Mang Kerio (92)

Mang Kerio (92)
Oleh Wak Amin





"POKOKNYO kubebes dio," uji si la nang, waktu la sampe rumah, belari mentas-mentas, malu dijingok uw ong rame.

Motor ilang, badan bauk banyu got. Nak mandi banyu abis. Jadi cuman beganti baju samo celano bae.

Ngudut sambil ngopi.

Dak lamotu HP nyo bebunyi. Bede ring cak itu.

Cak telepon ...

He he he he ...

"Malem Bos," ledek Nona Elen. Dio berani ngeledek karno dikongkon Mang Kerio samo Cek Leha.

Wong tigoni baru besiyap nak ba
lik dari makan malam betigo di kedai 'semua enak.'

"Apo katonyo Mbak?" Cek Leha penasaran bae.

Apo marah, apo ngancem ..

"Marah samo ngancem," kato Nona Elen, tepakso bebisik supayo dak ke dengeran si lanang yang lagi 'ngu ping'tu.

"Kolahke bae," usul Mang Kerio.

"Cak mano Mang?"

Mang Kerio embisikke sesuatu. En tah apo. Yang pasti Nona Elen se nyum-senyum bae.

"Daripado bos marah-marah dak ke ruan, lemakla kito ketemuan bae, galak dak?"

" Nak ngapo. Nak ngepek aku. Nehi. Nehi Non. Cari bae lanang lain. Kau tu dak level."

He he he ...

"Ketemuan bae lum la ngomong dak level. Makmano bosni. Sudah kalu mak itu kututup bae telepon ini," kato Nona Elen.

Ngetes bae ...

Karno dak lamotu ...

Kriiiiing ..

"Naa, bener kan kato mamang. Jual mahal, awak murah ..."

Ssssst ...

Nguping beduwo waktu Nona Elen ngangkat telepon.

"Apo lagi Bos?"

"Eeem .. Aku galak kito ketemuan," kato si lanang.

"Tadi katonyo dak galak. Cakmano bosni .."

"Tadi yo tadi. Sekarang yo sekara ng .."

Nona Elen mintak saran ..

"Lajukela bae Mbak men ujiku. Be ner dak Mang?"

"Benerlatu Ha," kato Mang Kerio sambil ngacungke ibu jari.