Rumayok (15)

Rumayok (15)
Oleh Wak Amin




IICCH ...

Eeeeegh ...

"Tahan ... Tahan Ud," cakdu Hasan. Anggisirko kukutna ti kiri ...

Huuup ...

Braak ...

Tihontak cutik ...

Kapdu mobil kuruk cutik ti lom su ngai.  Daud anjorit, sai barih mih rokob. Budu'o kilu salamat luwah jak mobil.

Sai .. ruwa .. to .. toluuu ...

Hulu Hasam tiluwah. Dijujungko Daud rik Qosim jak balakang, al hamdulillah pacak.

Pas nihan ...

Ruwa bolas bakas bukarito hanjo na tungguk di te ka pe ..

Hasan loga. Ya kilu tulung riki'anna lokok di lom mobil.

"Ayo ..!" Cakdu bakas buwok toja ng. Rogoh tisungai.

Mih porlu waktu kurang jak puluh ngamonit, Daud, Qosim rik Roni pacak diluwahko jak lom mobil.

Pingsan makwat. Mihya kaloh-lo han. Pudak pucak, sawara lobon, kangisonan ...

Diusung ti lambahan warga ...

Kawai rik calana dilopasko. Diganti rik sabidang baibai. Jadida. Sai pon ting mak kangisonan lagi.

Mak unisina luwahda jak sangkolak Mbak Thea, Agnes, Lani rik Siska ngusung wai kopi rik punti tinggu ring.

"Alhamdulillah," cakdu bakas mak ongka buwok sambil maha.

"Ini rezeki dari Allah. Tak boleh dito lak. Ayo ..Ayo!"

Kurang jak lima ngamonit, bolada punti tingguring hanjona. Sai lokok wai kopi halom.

Mang Agus, sai dok lambahan nga riki'i ruwa bolas bakas hanjona tungguk di luwah pagor.

Tiyanja gamulang ...