Mang Kerio (1)

Cerita Komedi

Mang Kerio (1)
Oleh Wak Amin



Episode :  'Nyari Budak Ilang ...'





LAGI lemak nonton Donald Bebek, Cek Leha, becepet masuk jeru ka mar besak, tempat biaso Mang Kerio nonton tivi.

"Tenang, tenang. Tarik nafas. Selu bae. Pucuk bawah .. Pucuk bawah," kato Mang Kerio, kesiyan enjingok Cek Leha pecak keabisan nafas, ampir nyampak kareno ketinggian gino makek sepatu.

"Anu Mang .. Anu." Sambil nunjuk ke lawang belapis kayu jati.

"Anu. Anu ngapo. Omongke bae. Dak kuapo-apoke idak. Cayola samo mamang."

"Anu Mang. Ado uwong betino mintak tulung sambil nangis nangis."

"Ngapo? Dak kau tanyo?"

"Sudah Mang. Cuman pas kutanyo, nak ngapo, dio nambah nangis. Ja di aku pening. Daripado aku kepe ningan, laju dak masuk begawe be soknyo, kutemui bae mamang."

Cek Leha pecak nak nangis pulo ......

Mang Kerio matike tivi ...

"Payu kito temui betinotu," kato Mang Kerio. Nyetil dikit. Besisir, pakek minyak wangi, embenerke dasi yang sempat mencong ke kanan dikit.

Sampe di ruang tamu, betino taditu idak nangis lagi. Malah ketawo-ke tawo dewek main hape.

Waktu ditegur Cek Leha, pecak idak bae. Tapi waktu diomongke kalu la nang belagak sebelah kiri Cek Leha adalah Mang Kerio, barulah dio be renti ketawo.

Nangis lagi ...

"Tulung aku Mang Kerio. Anak gadisku ilang."

"Kapan ilangnyo?" Tanyo Mang Ke rio sambil ngajak si betino taditu masuk ke ruangan kerjonyo.

Dingin. Banyak kue pulo. Begelok-gelok pucuk meja ...

"Semalem Mang. Tulungla Mang. Kagek kalu ketemu adola sedikit untuk mamang .."

"Sudah dilaporke lum samo pelisi?"

"Lum Mang."

"Ngapo belum?"

"Aku dewek bae dak tau dimano kantor pelisi. Kalu warung aku ta hu," uji betino tadi sambil embuka' tigo ikok tutup gelok.

Ngambek tigo mecem kue sekali gus. Kuping gajah, cakar ayam sa mo kue sagon yang pake' bungkus; ijo, merah samo kuning.