Mang Kerio.(14)

Mang Kerio (14)
Oleh Wak Amin




"ITUNA Bik pecaknyo. Bener dak?" Ado gubuk, antaro keliyatan samo idak.

Bik jali ngucek-ngucek matonyo. Maksudnyo supayo jelas tejingok.

"Makmano Bik. Bener kan?"

"Dak salah lagi. Padek niyan pen jingokan Mang Kerioni. Kalah aku yang mudoni .."

"Ai cacam. Laju cak nak terbang mamang andengernyo ..."

Bik Jali senyum-senyum bae ..

"Jadi aku dewekan Mang kesano?"

"Yo Bik. Bibik dewekan bae. Supayo dak ketauan aku besingit parak got bae."

"Motornya Mang?"

"Yo disingitke jugola Bik."

Sudah ngucap basmalah di jeru ati, pegila Bik Jali ke pondok yang di mintak penculik.

Setengah jalan ...

"Yayang Eli. Tungguuuu!" Pekik Pak Jali. Dio takut bininyo kenapo-kena po, mangkonyo dikejernyo.

Bik Jali noleh ...

Takut ke tauan, dio begancang ma raki gubuk taditu. Sedangke Pak jali nambah ngebut sambil me kikke namo bininyo,  Yayang Eliiiiiiiii ...

Mang Kerio mak itu jugo. Cuman lain pekik. Bukan Bik Jali, tapi Pak Jaliiii ... Pak Jaliii ...

Tedengerla oleh Mustofa, Adam, Le man dan Sanusi. Empat ikok tukang culikni bingung ngapo ado duwo namo yang dipekik'i.

Yayang Eliii ...

Pak Jali ..

Kriiiing ...

"Ya, ya .. Ibuk sudah di gubuk sekarang."

"Bagus. Tarokke bae disitu duitnyo. Ibuk kalu nak balik balikla .."

"La, anakku cakmana?"

"Ooo iyo. Lupo aku," kato Mustofa, nyegir kudo.

"Gek kutarok jugo di dalem gubuk. Ibuk boleh ambek anaknyo setelah duit dalam tas kami embek," kato Mustofa.

"Payu kalu cak itu," uji Bik Jali. Dio lepakke tas berisi duit taditu pucuk meja rotan buruk jeru pondok.

Dahtu dio metu lagi. Besingit balik gubuk. Nungguke anaknyom Pas dianterke pen culik, dio embek dan becepet pegi dari gubuk serem itu.

Tengah dalu lagi ...

Kiro-kiro sepuluh menitla duwo ikok penculik masuk jeru gubuk. Emba wak budak kecik.

Dak lamotu metu lagi sambil keta wo-ketawo. Sikok embawak tas. Si kok besiul-siul ...

Giliran Bik Jali yang masuk ...

"Mamaaaa!"

Ssssst.

Langsung dibekepnyo mulut Kadir anaknyo. Dio gendong, becepet me tu dari gubuk yang dak pulo tau pu nyo siapo.