Mang Kerio (21)

Mang Kerio (21)
Oleh Wak Amin




DI rumah Tante Selfi ...

"Tunggu denget Mang Kerio ye. Biaso, lagi bedandan. Budak betino jaman now ni, kalu bedandan, lamonyo mintak ampun."

He he he he ..

"Dak apola Tante. La jamannyo barangkali agak mengot," uji Cek Leha.

Ketawo libar. Baru kalinila Cek Leha ketawo ngekek. Untung ditegur Ma ng Kerio. Kalu daktu tengekek te rusla.

"Mamang samo .."

"Leha, Tante."

"Yo Leha. Nak minum apo?" Tente Selfi nawari takut yang betamu dak bekenan di hati.

"Basingla bae Te," uji Cek Leha. "Yang penting pacak diminum."

"Kalu pacak," kato Mang Kerio," banyu es bae Dik Selfi."

"Payu kalu cak itu. Tunggu denget. Kuambek duken."

Tante Selfi, slu bae, ke dapur ...

Tigo menitla kiro-kiro, emak sikok anak ini, metu lagi sambil bawak banyu putih duwo gelas, martil be sak samo es batu.

Mang Kerio en Cek Leha saling se lik. Bingung, buat apo martil besi begagang kayutu.

He he he he ..

"Ooo yang ini," kato Tante Selfi sam bil nunjuk ke martil.

"Waktu di dapur tadi aku bepikir. Ka lu kuenjuk baju dingin, takutnyo Dik Leha dak galak. Sebab, biasonyo, budak betino dak galak. Paling banyu putih biaso. Supayo mudah. Kuwadahila dua gelas banyu putih, sikok es batu besak samo martil. Jadi Mang Kerio gek tinggal gebuk es batu sampe pecah. Dituangke ke jeru gelas. La rato pecahan es batu nya, baru diminum .."

Eeeeem ...

"Aku duken apo mamang duken yang minum?"

"Kuraso adek dulula. Yang tuwo belakangan. Tul dak Mang Kerio?"

"Akurlatu .."

Karno gelastu kecik, yang namonyo aus dakke cukup, Cek Lehs tepak so ngembat punyo Mang Kerio, sampe' abis.

Eeeeek ..

Baru kenyang ...

Lego rasonyo ..

"Karno banyu la abis, baru nak me sen galon lagi, mamang pecahke es batuni bae. Tarokke di jeru gelas. Langsung minum. Samo bae. Bener dak Dek Leha?"

"Bener Te. Malah kato uwong, beda rasonyo. Lebih seger, dingin dan nikmaaat ..."

Mang Kerio tediem.

"Apo aku yang nak mecahkenyo Mang Kerio?" Betanyo Tante Selfi. Takut Mang Kerio dak kuat lagi mecahke es.

La keabisan cairan, makkato uwo ngtu ...

Apo jawab Mang Kerio?

"Dak usah Dek Selfi. Mamang ma sih kuat." Sambil nunjukke otot ta ngannyo, besiyap nak mukul es batu.

Praaak ...

Triiiing ...

Triiiing ...

Langsung pecah es batunyo. Tau nyo temetu jugo banyunyo. Lang sung diwadahi Mang Kerio.

Diminum ...

"Makmano Mang?"

"Sedep Ha, cubola duken."

Cek Leha melok nyubo ...

Glek gek ..

"Lemak kan Dek?"

"Lemak Te. Cubola kalu Tante dak cayo .."

"Oke. Tente cubo."

Glek gek ...

Eheeem ..

"Makamno Te?" Tanyo Cek Leha, pe cak nak ketawo tapi dak jadi.

"Pecak raso santan?!"