Mang Kerio (22)

Mang Kerio (22)
Oleh Wak Amin



"SELAMAT siang Om dan Tante!" Ucap Tuti. Metu dari kamar, sambil ketawo libar, tegak depan Mang Ke rio samo Cek Leha.

Pas nyingok Tuti, Mang Kerio te kejut. Mulut tengangap, mato men dadak nyipit.

Cek Leha jugo. Sempet nyebut 'as taghfirullahal azhiem.' Tegak, dahtu duduk lagi.

"Oi iyo kelupoan aku. Maaf Mang Kerio samo Dek Leha. Inila yang na monyo Tuti. Anakku yang nak ka muk beduwo bawak gek. Ayo nak. Salami Om samo Tante."

"Baik Mam," uji Tuti. Dio tarik tan gan Mang Kerio samo tangannyo Cek Leha.

Dicium sikok-sikok. Gantian.

"Na begitu dong Tuti. Itu baru anak Mama namanya," puji Sang Mama.
Mang Kerio en Cek Leha cuman senyum-senyum bae.

"Mam. Tuti duduk dimana Mam?"

"Eeem .. Sebentar ya. Mama tanya dulu sama Om dan Tantenya." Tuti, buat sementara tetap tegak, cak bu dak sekolah keno strap karno lambat masuk kelas.

"Mang," kato Tante Selfie, "nurut Mamang bagusnyo duduk di ma nola anak gadisku ini?"

"Kalu nurut mamang sih, dimano bae bagus," jawab Mang Kerio.

"Dek Leha?"

"Pucuk keramik bae."

"Maksudnyo?"

"Duduk di atas lantai, Te."

"Ngepor maksudnyo?

"Mak itula kiro-kiro Tante," uji  Cek Leha.  Ngeraso yakin Tuti pasti ga lak duduk besilo di pucuk semen bekeramik

Tuti dak terimo ...

Dio parak'i Cek Leha. Dio angkat ba dan Cek Leha. Gerem. Nak diban tingkenyo ...

"Tut jangan Tut. Tante Leha dak sa lah Tut .." Tante Selfie takut nian. Mangkonyo dio mintak tulung sa mo Mang Kerio nenangke Tuti.

Mang Kerio langsung megang kaki Tuti, sambil ngomong cak ini ...

"Tulung Om Nak. Jangan diapo-apo ke Tante Leha ..."

Tuti ngeper akhirnyo. Tapi dengan syarat tentunya.

Syarat apokah itu?

"Tuti dibolehke duduk di tempat duduk Om. Dan Om dewek dak boleh duduk."

"Tut. Mama mohon ..." Tante Selfie ngingatke anaknyo kalu Mang Kerio dak mudo lagi. Dak pantesla diko ngkon tegak sedangke yang mudo duduk di kersi cak kebelagak'an.

"Om nak nurut apo kato Tuti dak. At au Tante Leha aku bantingke ke lantai sekarang."

Tuti mulak'i ngancam.

"Jangan, jangan Nak. Om nurut apo kato Nak Tuti. Ye, tulung ye Nak. Ke siyan ayuk kau."

"Dio bukan ayuk aku Om. Dio Tante Leha."

"Yo, yo. Sudah Tut. Sekarang turun kela Tantenyo," pintak Tante Selfie.

Pasla turun, Cek Leha langsung me luk Mang Kerio ...

Plak .. plak ..

Tuti betepuk tangan.

"Tut!" Sang Mama ngingatkeTuti sekali lagi.

Jangan sampe kelewatan kalu bepenesantu ...