Mang Kerio (8)

Mang Kerio (8)
Oleh Wak Amin





DI pos ronda ...


"Makmano kalu kito balikke bae Safri," kato Salim, konconyo yang seumuranla dengan dio. Sudah kepala' tigo.

"Janganla Bro. Rugi kito," uji Safri. Beringgut tegak, nyingok denget ke sekeliling pos ronda.

Sepi bae ...

"Rugi makmanotu?"

"Awak tau dewek. Duit aku galo kan tepake'. Mula'i dari rokok enam bu ngkus, nasi ayam duwo bungkus, ongkos kesini. La berapo cubo?"

"Iyo niyan ye .. Jadi cakmanolaye bagusnyo?"

Safri bebisik ...

Salim manggut idak, cak uwong kebingungan. Apo biso?

"Pasti biso. Kito banting rego bae. Murah. Jauh dari rego pasaran. Pasti galak uwong. "

"Yakin awak Saf?"

"Yakin. Yang penting dapet duit, modal aku tebalik."

Baru Salim manggut.

"Tapi Bro ..."

"Apolagi? Perasaanku dari tadi aw akni ragu terus. Apo awak takut? Dak usah ragu, dak usah takut. Serahke bae samo aku .."

"Duitnyo?"

"Kito bagi rato dipotong modal yang sudah kukeluarke."

Salim setuju ..

"Akorla," katonyo, "Tapi dengan sia pola kito enjualnyo. Di pos ini kan dak katik uwong .."

"Kito ke terminal bae, cakmanola?"

"Maksud kau enjajoke motorni?"

"Iyo .."

"Janganla. Ketauan pelisi. Pacak masuk obak kito beduwo. Duit dak dapet, palak bengkak lagi ado."

Ha ha ha ...

"Iyo jugo ye. Eeem .. Nurut awak kemanola kito bagusnyo enjual motorni?"

Salim bepikir denget ..

"Aku tau Bro tempatnyo."

"Dimano?"

"Melok aku bae .."