Mang Kerio (18)

Mang Kerio (18)
Oleh Wak Amin



4.  Episode : 'Naik Kapal Terbang'

KALI ini Mang Kerio dapet tugas mulia. Apo? Ngawal budak betino. Sesuai permintaan uwong tuwo si betino, Mang Kerio harus enjemput langsung ke rumah. Bukan di ban dara. Jadi dak pacak idak yo mesti naik kapal terbang supayo cepet sampe ke tempat si betinotu.

Kalu jalan darat? Lamola ...

Setelah dipikir-pikir, karno baru se kalinila naik kapal terbang, Mang Kerio mutuske ngajak Cek Leha bae. Selain 'anak buahnyo", Cek Le ha jugo la tebiaso naik kapal terbang.

Singkat cerito ...

Pagi-pagi, lum beduk subuh, Mang Kerio en Cek Leha la sampe di ban dara, dianter Mamag Graft.

Sepi, la pasti.

Baru uwong duwonila yang datang. Lain lum kejingokan.

"Kalu mak ini lemakla tiduk lagi tadi Leha," kato Mang Kerio, tedu duk di kersi tunggu panjang.

"Takut telat Mang," simbat Cek Le ha, sibuk nyari kercis di jeru tas kulit kudo.

"Dak apo-apo kalu Cek."

"Ditinggalke uwong la Mang. Bukan angkot, yang galak nunggu penum pang."

"Cak itu pulo .."

Dak lamotu ado uwong lanang be seragam marak'i Cek Leha samo Mang Kerio ..

"Nunggu siapo, Pak Bu?" Tanyonyo ramah.

"Dak nunggu siapo-siapo," uji Cek Leha.

"Kamek duwoni nak naik kapal ter bang ponakan," kato Mang Kerio.

"Ooo nak naik pesawat." Si lanang tadi tibo-tibo batuk sambil ketawo kecik.

"Ngapo Pak, apo kami ..?" Tanyo Cek Leha teeran-eran.

"La jelas salahla. Inini tempat uwong istirahat .."

"Jadi .."

"Tapi bapak dan ibu dak usah kua tir. Masih ado waktu. Ibu samo ba pak silakan belok kanan. Lapor du lu samo petugas. Tunjukke kercis samo barang yang dibawak. Sudah dari situ baru naik ke lantai duwo. La rame uwong disano .."

"Payu kalu mak itu. Terimo kasih Pak," ucap Cek Leha, becepet pegi ke tempat pelaporan tiket.

"Leha. Tunggu!"

Cek Leha kesiyan nyingok Mang Kerio bejalan. Cak uwong teng geng ...

"Ngapo jalan mamangtu agak lain?"

"Biasola Leha. La tuwo," uji Mang Kerio. Padohal bukan masalah tu wo, tapi memang lagi ngantuk, di paksoke bejalan.

"Awak dak teringet apo Leha?" Ta nyo Mang Kerio waktu nak naik tanggo ke lantai duwo.

"Dak teringet aponyo Mang?"

"Kito taditu. Masak kau dak tau itu tempat uwong istirahat? Katonyo la sering naik kapal terbang?"

Ha ha ha ha ...

"La jelasla Leha dak tau Mang. Leha memang sering naik kapal terbang. Tapi dulu. Waktu masih kecik dulu."

"Sekarang?"

"Karno buntu dak pernah lagi."

Ooo' ooooo ...