Mang Kerio (5)

Mang Kerio (5)
Oleh Wak Amin




"NA .. Mang, Cek. Inila dio kamar nyo Zubaide." Kato Fatime, nyi lake Mang Kerio samo Cek Leha liyat-liyat suasana kamar Zubaide.

Dak pulo gerot niyan isi kamar Zu baide. Gerobok kayu sikok, kulkas kecik sikok, tempat tiduk betingkat sikok ..

Ado kaco riyas. Libar. Pacak beka co untuk uwong duwo. Bekaco selu ruh badan. Mula'i dari sikil sampe ujung rambut. Keliyatan galo ..

"Laki kau kemano Fatime?"

"Begawela Mang. Kalu dak begawe idak katik isi perut ini." Kato Fatime sambil ketawo malu enjingok cela no dalem Zubaide tegantung di kur si kayu parak ke jendelo kamar.

"Begawe mano Fatime?"

"Biasola Mang. Caro wong kecik. Apo bae dilanjakke. Yang penting halal."

"Akorlatu ..."

"Ngomong-ngomong, ngapo laci sikokni seret niyan Bik, eeh Bu Fatime?"

Laci meja tempat biaso Zubaide nu lis samo embaco novel en komik silat.

Reg ... reg .. Treek.

"Iyo ye," uji Fatime. Kebingungan ju go.

"Kuncinyo ado dak?"

"Na itula saronyo Mang. Budaknyo ilang, ngomong idak samo emak nyo. Aku dewek dak kalo embuka'-buka' cak inini Mang. " Mula'i kesel Fatime caknyo.

"Cubo geser dikit awak Fatime. Ke kanan dikitla."

Sreeet .. Treek.

Lum tebuka'

Entah makmano tibo-tibo mulut Ma ng Kerio begerak-gerak. Pecak ado yang diomongkenyo ..

Sreeet ...

Bluuus ..

Tebuka' akhirnyo. Dak pulo banyak isi lacinyo. Cuman selembar kertas putih dilipat tigo.

"Apo nak kau,  Cek Leha, apo aku yang nak ngembek kertas ini?"

"Mamang baela," uji Fatime.

"Payu kalu mak itu. Kito embek kertasnyo, dahtu kito buka' apo isinyo ..."


Bismillahirrohamanirrohim ..

Kertas tadi dibuka'. Dibaco denget oleh Mang Kerio. Dahtu dio kong kon Fatime embaconyo jugo.

"Kau kan emaknyo Fatime. Ngem bek berkatnyo, kau bacola apo yang tetulis di kertas itu."

Apo isinyo?


" Buk .. Kalu aku lum balek, retinyo aku nginep tempat kawan. Ibuk dak usah marah. Kagek cepat tuwo. Sa lam sayang dari anakmu yang "jadi rebutan lanang' ini .. Anakmu, Zubaide."