Mang Kerio (13)

Mang Kerio (13)
Oleh Wak Amin




"STOP duken Mang Kerio," kato Bik Jali. Dio selik dak katik siapo-sia po. Cuman tedenger suwaro jang krik.

"Jangan lamo igo Bik berentinyo."

"Ngapo Mang?"

"Gek kito dibadok hantu."

"Ai mamang nakuti aku bae." Bik Jali nelepon lakinyo, ado dimano sekarang. Jawab Pak Jali, ado di belakang.

"Kiro-kiro seratus meterla di bela kang kau Yang," uji Pak Jali se nyum- enyum dewek

"Awak dak takut dewekan Yang?"

"Idak. Terang disini. Deket rumah warga. Jadi kalu ado apo-apo aku mintak tulung samo warga bae."

"Oooo .. Bagusla."

Karno dimintak Mang Kerio gan cang pegi, pegila Bik Jali. Kiro- kiro seratus meter, ado telepon masuk di hape nyo Bik Jali.

"Cepet angkat," kato Mang Kerio. Pas diangkat, Bik Jali berubah pu cet rainyo.

Cak nak nangis ...

Suwaronyo ngelambat dan agak gu gup. Dio bener-bener ngeraso takut. Ngeri ..

"Cepet Mang. Maju dikit lagi. Ado simpangan kito berenti situ."

Reeeen ...

Reeen ..

Pasang gaya. Motor digas dikit, ban depan diangkat. Sempet nak mekik Bik Jalinyo, kato Mang Kerio supa yo hantu dak berani marak.

Apo iyo niyan ...

Reeen ...

Reen ...

"Sudah Bik?"

"Sudah Mang."

"Berangkaaaaat!"

Kemano?

Ssssst ...

Motor berenti ...

"Sinila kayaknyo Mang," uji Bik Jali. Diseliknyo, samo cak tempat tadi tula.

Sepi. Katik uwong ...