Mang Kerio (29)

Mang Kerio (29)
Oleh Wak Amin


YA cacaaaam ...

Mang Kerio tebelalak. Dak cayo dio enjingok ke dalem.

Cek Leha penasaran ...

"Ado apo Mang?" Tanyo dio, pengen jugo nyelik ke dalem, mano tau rejeki.

"Jingokla Ha," kato Mang Kerio. Ngatret dikit, ngenjuk jalan Cek Leha, supayo lemak ngintip.

Mulonyo Cek Leha biaso-biaso bae. Tapi lamo kelamoan tebelalak jugo dio punyo mato.

"Makmano Ha?"

"Joget Mang," kato Cek Leha. "Awal nyo idak. Cuman diem, tegak kayak patung bepejem mato. Tapi, mung kin karno bosen jadi patung, terum pak joget ..."

Ssssst ...

"Siapo di luar?"

Mang Kerio dak keilangan akal. Dio niruke suwaro kucing ..

"Ngeoooong .."

"Kucing mas. Sudah biarke bae. Pa ling pegi dewek kagek," uji betino yang nari taditu samo lanang pen dek cak buntel.

Dak lamotu, waktu Mang Kerio ngin tip, lanang samo betino taditu dak katik lagi.

Kemanola?

"Kito cari ke belakang," bisik Cek Leha. "Kalu bae ado tempat ngin tip."

"Kalu dak katik?"

"Mamang tula taunyo."

"Mamang lagi ..."

"Namonyo jugo lanang Mang. Mesti di depan, betino di buri. Apo mama ng la bosen jadi lanang? Ngomong bae samo Leha."

Ssssst ...

Tedenger suwaro piring. Cak disu sun-susun abis ducuci pake' sabun.

"Itu caknyo Mang." Ado lubang ke cik. Cek Leha endeket. Tapi ..

"Iyola Ha. lajula awak. La kepalang," uji Mang Kerio.

Cek Leha manggut-manggut bae .. Besiyap ngintip. Mato kanan dipici ngke dikit.

Huuuup ...

Triiing ...

Tepundur sambil nutup mulut pe cak nak muntah. Waktu ngatret tadi sikil kanannyo nyenggol bekas ka leng susu.

"Siapo di luar?" Sekalini yang lana ng ngomong.

Mang Kerio muter otak denget. Dahtu dio ...

Guk ... guk .. guk ...

"Suwaro anjing sayang."

"Dah, biarke bae Yang. Mungkin lagi musim kawin. Dio ngepek kucing supayo galak dikawini anjing."

"Biso Yang yo. Setau aku anjing sa mo anjing, kucing samo kucing ka winnyo."

"Biso bae Yang. La malek mungkin samo-samo bangso dio ..."