Mang Kerio (47)

Mang Kerio (47)
Oleh aminuddin




PARAK cucian mobil samo motor ..

"Awak jangan mak itu Fen. Kagek kalu ubaknyo datang, kau dicetur kenyo," kato Bedul.

"Bener kato Bedul tu Fen. Yang aku takutke kalu keroyok'an. Pacak mati kau .."

Said ngarep omongannyoni dima sukke ke jeru ati oleh Fendi.

Sayang Fendi betako'an ...

"Ah, dakken ado. Aku jugo dak nga po-ngapoke dio. Madak'i cuman ditegur bae dak boleh."

Fendi ngeraso dio dak salah ..

"Itu kato kau. Kato si betinotu, lum tentu mak itu," uji Bedul ngingetke konconyoni. Jangan gara-gara be tino ribut seisi kampung.

"Aku liyat niyan kau nyadang dio," kato Said.

Fendi naik darah ...

"Kalu iyo kau nak ngapo?" Tantang Fendi sambil teken pinggang.

"Ngongkon kau minta' maaf," kato Said.

"Idak ah. Aku dak galak. Maaf bae. Aku dak salah apo-apo. Kamu be duwo bae yang ngompori .."

Ha ha ha ha ...

Bedul samo Said ketawo ngekek.

Dak lamotu mobil Mang Kerio be renti. Bukan nak 'nganu' Fendi. Tapi nak nyuci mobil bae.

La ampir setaun nyuci dewek ..

Dikatoke cemek'an jugo idak ..

Waktu turun dari mobil, Said yang pertamo kali ngeliyat Cek Leha. La ngsung ngacir, ngajak Bedul lari le wat got besak.

Tinggalla Fendi dewek'an ...

Karno gengsi kagek dicap bujang penakut, waktu diparak'i Mang Ke rio, ngangkat dagu.

Dak enjawab waktu ditanyo Mang Kerio ..

"Na budak sikokni. Awak rengkek udang, kuceturke gek kalu melan ting," kato Mang Kerio di jeru ati.

Cek Leha endeketi Mang Kerio.

"Sudahla Mang," kato Cek Leha, "Peh kito duduk deket betino rambut keritingtu bae."

Deket kasir ...

Fendi la kepalang basah ...

Dio nekat ngagak'i Cek Leha. Yang diagak'i ecak-ecak dak tau bae.

"Mang. Cubo jingok lanang taditu," bisik Cek Leha ketawo ditahan.

Fendi ngengkeng. Ngongkon Cek Leha marak'i dio. Karno dak dike ruanke, dio endeket.

"Mang .." Cek Leha narok es terup pucuk meja ...

"Nyari penyakit budakni."

Mang Kerio ngatur napas supayo dak nyesek ...