Mang Kerio (57)

Mang Kerio (57)
Oleh Wak Amin





CERITONYOTU ..

Konco kito Sofyanni ngapel ke ru mah Fitri. Kebetulan yang diapeli ado di rumah. Nonton acara tivi, filem kartun.

Lagi lemak-lemaknyo ketawo, bel rumah bebunyi. Abahnyo Fitri nya ngko dulur dari jauh, sengajo data ng nak pengen bekeliling kota naik delman.

"Cubo jingok dukun Fit," kongkon ab ahnyo Fitri. Tanggung ninggalke film kartun kucing samo tikus bebalah.

Sebelum buka' lawang, Fitri ngintip dari kaco. Dak nyangko apo yang diliyatnyo barusan.

"Mimpi apo iyo niyan ye aku?" Fitri ngucek-ngucek bola matanyo. Nak mastike, la rabun apo lum.

Tok .. Tok .. Tok ..

"Assalamualaikum .."

"Waalaikum salam," jawab Fitri.

Lawang dibuka' ...

Sofyan senyum palak sedikit miring ke kiri ...

"Bagus dak Dek?"

Fitri langsung embekep mulutnyo. Nak ketawo tapi ditahan. Enjingok Sofyan pakek baju koko bedasi, be celano panjang sampe dengkul, sepatu bot item.

Lucunyo lagi, bukan bekopiah, tapi pake' topi, betongkat pulok. Dak sa lah-salah. Tongkat diketuk-ketukke ke lantai, kedengeran cak uwong la tihan bejalan pucuk panggung.

"Mano motor kakak?"

"Dipinjem uwong," kato Sofyan, te pakso bebohong. Kalu diomongke dijual biso-biso ...

"Uwong mano minjemnyo Kak?"

"Eeem .. Kawanla."

"Siapo namonyo Kak?"

"Mahmud," uji Sofyan, basing-basing bae enjawabnyo.

He he he ...

"Kakak bohong samo Fitri. Mano ado kawan kakak yang namonyo Mahmud."

Sofyan tediem.

"Dak katik kan?"

Sofyan masih biso bekelit rupo nyo ...

"Kakaktu lupo-lupo inget Dek. Mah mud apo siapola ye. Pokoknyo ka wan kakakla."

"Sudahla Kak. La tau galo uwong. Motor kakaktu kan tejual. Dijual untuk nebus jimat. Bener dak?"

"Kato siapo?"

"Kato mamang."

Mang Kerio tibo-tibo muncul deket lawang. Dak lamotu Cek Leha da teng pake' motor bebek.

"Itu kan Kak motor bebek kakak?"

Sofyan tekejut ..

"Mangkonyo Kak, jangan galak be dukun. Madak'i gara-gara Fitri nga toke lum siap, kakak ngomong ke dukun, cinta ditolak dukun harus betindak."

"Daaari maaa .."

"Mamang ponak'an. Waktu kau ba lik ngamuk-ngamuk kemarintu, Fitti mintak tulung samo mamang unt uk ngawasi kau. Takutnyo sampe' nyelakoke uwong. Kan jadi besak urusannyo. "

Sofyan malu ati ...

Mang Kerio neruske ceritonyo ..

"Waktu kau balik dari rumahnyo Engkong Jamal tula mamang lang sung betamu. Mastike apo niyan yang kau mintak ponakan. Ternyato ..."

Mang Kerio dak neruske omongannyo ...

"Ternyato kakak tega niyan melet Fitri .."

Sofyan metuke banyu mato ...

"Aku takut kau ilang dek. Mako aku ke dukun mintak supayo kau idak ilang. Lengket samo kau," kato Sof yan terus terang.

Cek Leha nengahi ..

"Sudah, sudah. Sekarang tegantung kau Dek. Dio la ngaku. Dio salah. Dimaafke dak?"

Fitri enggelengke palaknyo ..

"Berat Cek. Lum jadian bae la mak itu kelakuannyo. Apolagi menla jadi laki. Pacak saro ati ..."

La saro digebuk'i pulo ...