Mang Kerio (52)

Mang Kerio (52)
Oleh Wak Amin




Bawah Pohon Besak ...

HA ha ha ha ..

"Itula galak igo sekewet," ledek Fendi.

"Mangkonyo Pang, Id, setungguan," kato Bedul.

"Ini namonyo kuwalat. Tau dak." Ma rah niyan caknyo Kalam. Nafasnyo bae cak kudo bangun tiduk.

"Untung dak mati," uji Bedul. Idak marah idak. Cuman dio nyayangke kelakuan duwo konconyoni.

Jampang samo Said saling natep. Kompak mintak maaf.

"Bukan apo-apo. Maksud kami beduwotu baik."

"Baik makmanotu Pang, cubo jelaske .."

"Kalu kami beduwo belari, kau kan Dul pasti melok belari jugo. Ye kan?"

"Lum tentu. Iyo kalu tejingok. Kalu idak, cubo?"

"Yo salah dewekla. Ngapo dak ji ngok," kato Jampang.

Kalam 'kepanasan.'

"Apo kato kau?" La nak siap eng gocoh dagu Jampang.

Untungla disapih Bedul samo Fendi. Kalu daktu bonyok.

"Sudah .. Sudah .. Cak ini bae." Be dul ngenjuk pilihan. Nak diterus ke atau kito bubar bae.

"Kau ngomong apo Dul?" Fendi penasaran.

"Maksud aku," kato Bedul. "Nak kito teruske apo idak nuntaske masalah Fendini. Atau kito cukupke sampe disini bae .."

"Teruskela. La kepalang basah," ka to Fendi. "Nak ditarokke kemano rai akuni ..."

Kalam nengahi ...

"Cak ini bae. Kito pilih suwaro teba nyak bae cakmano. Jadi masing-masing kito cukup enjawab, nerus ke arau idak neruske. Makmano? Setuju dak kiro-kiro?"

Tepakso setuju ...

Kalam mandunyo. Dio mulak'i dari Said dulu ..

"Makmano Id?"

Said lum enjawab. Dio serbo salah. Idak diteruske takutnyo Fendi nga muk. Diteruske takutnyo masuk bui.

Penjaro ...

"Omongke bae. Aman," uji Kalam ngeyakinke Said yang masih ragu antaro enjawab neruske apo idak samo sekali ...

"Stop bae ...

Fendi tekejut. Tapi dak pacak dak, sesuai kesepakatan, dio harus teri mo apo adonyo.

"Sekarang kau Pang?

" Teruske bae."

Fendi ketawo. Lego.

"Kau Dul?"

"Samo cak Said. Stop bae."

Fendi merengut. Dak terimo.

"Naa ... Sekarang giliran kau Fen."

"Terus .."

Samo kuat suwaronyo. Duwo- du wo. Duwo neruske, duwo mintak stop bae ...

Suwaro penentu ado pado Kalam sekarang. Kalu dio enjawab "Terus" berarti Fendi yang menang. Tapi se baliknyo. Kalu enjawab idak, Fen di yang kalah retinyo.

Kalam lum nentuke jawaban.

Supayo adil lemakla abstain bae. Dak usah jawab. Atau enjawab duwo-duwonyo.

Fendi ngerayu ...

Bedul samo Said pasrah bae ..

Duwo menit ditunggu, Kalam lum jugo ngenjuk jawaban. Fendi mu lak'i gelisah ...

"Sudah kalu mak itu kito beduwo bae Pang ngelanjak lanang tuwotu," uji Fendi gerem bukan main.

Dio samo cs nyo dak tau kalu Mang Kerio, Cek Leha, bleki samo duwo pelisi ngendep-ngendep marak'i ba tang pohon dak bedaun itu.