Mang Kerio (55)

Mang Kerio (55)
Oleh Wak Amin




PENDEK cerito ...

Jimat dibawak. Seneng dak pacak ngomongkenyo. Bejoget-joget cak budak dapet duit jajan dari emak nyo.

Pesen Engkong Jamal, jangan dak dilunasi. Bahayo kau dewek, kato nyo.

"Engkong dak tanggung jawab palak kau nyangkut di batang pohon."

"Jangan lupo rawat baik-baik. Kalu awak dak rawat engkong dak tang gung jawab palak kau tibo-tibo ter bang. Picul dari lehernyo .."

Ngecik'i balak, Sofyan ngiyoke bae. Yang penting sekarang dio la dapet jimak.

"Uhuy. Sebentar lagi di kau jadi mi likku, Sofyan, bujang ganteng." Sam bil nyium jimat, Sofyan joget-joget depen kaco rias.

Abis bedandan, dio metu dari ka mar. Pas niyan malam minggu. Ngapel ke rumah Fitri.

Pake' motor bebek ...

Depan lurung, ado betino tuwo nga dang. Pecak sengajo nak ditumbur. Dak kolula Sofyan ngeliyatnyo.

Sofyan tepakso turun dari motor. Dio kongkon si nenek ke pinggir. Dio galak asalke Sofyan ngantar dio balik.

"Rumah nenek jauh dak dari sini?" Tanyo Sofyan.

"Dak pulola. Tolong nenek ya Cung. Nenek dak punyo ongkos nak balik. Punjin nenekni kosong. Katik apo-apo. Ecak-ecak bae bawak dompet."

Sofyan ragu. Apo masih pacak ke rumah Fitriani tepat waktu di ma lam minggu?

Ditulung apo idak yo?

"Tolong nenek yo Cung!" Si nenek mengiba. "Kalu dak kau siapo lagi Cung .."

"Payu kalu cak itu," kato Sofyan. Ngongkon nenek naik motor.

Duduk di buri ...

Motor diengkol ...

Reeen ...

Reeen ...

Reeen ...

La bejalan si nenek ngomong kalu dio laper. Tepaksola Sofyan nyari tempat makan yang murah meriah.

Dimano?

Pinggir jalan ...

Waktu turun dari motor, si nenek mintak direwangi makannyo.

"Idak dibungkus bae Nek biar cep et," uji Sofyan sambil enjingok jam. Takut telambat ngapel.

"Uji wong kalu dibawak balik dak lemak lagi Cung."

"Wong mano?"

"Tetanggo nenek. Bagusnyo makan di tempat lagi-lagi anget-angetnyo," uji si nenek sambil narik tangan Sofyan masuk ke kedai sate.

Sofyan berenti denget ...

"Nenek nak sate apo nasi?"

"Duwo-duwonyola Cung. Makan sa te dulu, baru nasi. Tolong ya Cung, nenek laper niyan ..."

Sofyan nurut bae ...

Dak pacak dak. Idak diturutke si ne nek gek enjerit. Buat masalah baru.

Karno mesen sikok porsi, nenek mintak suapke samo Sofyan.

"Satenyo jugo Cung kepalang," kato si nenek dengan mesranyo.

Plak .. Pak .. Plak .. Pak ..

Pembeli lain betepuk tangan.

"Dak nyangko aku. Bolehla budak itu," uji bujang keriting yang emba wak ceweknyo sengajo makan sate di malam minggu.

"Namonyo jugo cinto. Dak pandang umurla," kato betino kurus tinggi ku lit sawo mateng.

"Apo dak katik betino lain. Ngema lu-maluke bae," kato lanang bung kuk udang.

He he he he ...

Enjingok uwong ngetawoke dio, si nenek bukannyo marah, malah se neng.

"Hebat dak Nenek?"

"Hebaaat .." Simbat yang lain, se rempak  ngangkat piring sate.

"Apo resepnyotu Nek?" Tanyo buja ng besak pantat.

"Dak katik resepnyo Cung."

"Ai dakken ado Nek."

Si nenek ketawo ...

"Adola Cung ..m"

"Ha, apo kan. Pasti adola. Dakken ado dak katik," kato si bungkuk uda ng.

"Berani Cung."

Haaa ..

Pado kaget.

Yang kaget lagi Sofyan. Malu niyan dio waktu si nenek ngomong ke uw ong-uwong diola yang ngejer-ngejer.