Goh-Gohda (2)

Novel ...

Goh-Gohda (2)
Oleh Wak Amin


 
2

PRAAK ...

Cepraaak ...

Guaaam ..

Jegraaak ...

Jegraaak ...

"Dang kuatga kolpah. Juksai mouli ngamuk bak patoh hati," cawadu Mang Yahya. Iya hiran ngaliyak ru wa bakas ngatot kayu rik somin pakai mobil pick-up asak ngani yakko.

"Mun lambat uni kiyai," jawabdu bakas mata balak, maha ticunggigih.

"Tiumban nonti sominna saro kolpah."

"Mak api-api."

Praaak ...

Gedebeeeeg ...

"Tulung ... Tulung pai ui. Mati jolmasa," jorit rikianna si mata balak. Ya mak pacak ganulung bakdu lokok dunggak mobil ngating kayu rik andakok somin.

Bak apiya?

"Radu-radu Mang," cak Mang Latif, Mang Nasir rik Mang Kafi. Ompai radu ngukur jandilo, rawang rik sangkolak.

"Kaliwatan nihan jolma sija." Mang Yahya lokok suya. Untung si mata balak diungsiko rikianna di balik mobil.  Pudak bongop, bibir pocoh. Mih mak pandok tiluwah rah.

Supayo mak ngahambat, tiyan pak ja nulung ngarogohko kayu rik so min. Pasir kok radu jak konariyan.

Mak uniga. Kurang jak puluh monit losai kaunyin-unyin. Radu sina Mang Nasir modoki bakas kona gucuh hanjona.

"Juksipa. Antak ti rumah sakik api?"

"Dak koda kiyai. Mak api-api," jawabdu alis tipis.

"Bibirna juksipa?"

"Mak sakik lagi," cakdu si mata balak. Lokok karabayan ngaliyak Mang Yahya. Mojong di tanoh podok kukutna.

"Nyak kilu mahaf kolpah yo," cakdu Mang Yahya. Si alis tipis mih ngangguk bagawoh.

"Juksipa Mang Gus?" Ngorah mata balak cawa.

"Maafna kutarima Mang," jawabdu si mata balak.

"Alhamdulillah."

"Radu mun juksapona," cakdu Mang Nasir. "Kuti ruwa ga muloh lajuda. Gawe kok radu. Sikam pakja ga ngalanjutko nyugu rik maku.

Dijuki duit mak haga, dikorah ti rumah sakik mak haga hoda. Mak salah lagi Mang Yahya mun juk sapona.

" Nyakna mih mak bangik bagawoh," cawadu Mang Yahya, waktu ga nyugu.

"Juksipa curita sabonorna Mang Yahya" Tanyadu Mang Latif, turuk nyugu munih.

"Ngarogohko kayu rik somin, asak bagawoh. Kunasihati,  bonor-bonor mun bugaweho. Mun tiyakkan ko na hun barih. Kona suya. Eeeei dica wak'i juksina mak katarima."

"0oooo juksina. Radu sinaa?"

"Dijawabna mak api-api. Lokok ho da ngahontakko kayu rik somin. Juk mak diluhunko sai nyakja. Pa dohal nyakja kan tukang. Pacakga gawe juksapona. Nasib bagawoh nyakja tukang. Mun makna kok jadi jolma balak. Kayo."

"Sabar ... Sabar." Mang Latif ambu kak kawaina. Dikipas-kipaskona. Wat hiting cutik di pudak.

Mang Nasir rik Mang Kafi bupodok.

"Nginum kopi pai Mang." Mang Nasir nuangko tongah golas wai kopi. Dijuk kona rik Mang Yahya.

"Inumda Mang," cawadu Mang Kafi, pocak ga miwang.

Huuurf ..

Huuuurf ...

"Na juksina. Tonangko hati." Nasi hatdu Mang Latif.

"Kita jolma roniksa," lanjut Mang Latif, "Mih pacak nahan hati. Sai mak kuruk di akal, hunja nyopok-nyopok kasalahan. Kok bonor api sai digawekosa, bakdu wat honjona iri atau api, dicawako salah. Juk si ja sai bonor. Tuwon mak?"

"Tuwon dayona Mang," jawabdu Mang Kafi.

"Sai mak bangikna," cakdu Mang Nasir, " Kok payah kita bugawe, gara-gara salah cutik, mih digajih ronik. Disuya munih."

Di pok barih, si mata balak rik alis tipis rokob jakjona. Waktu rogoh jak mobil, si mata balak cawa ...

"Tak enak hati aku Mang Yasin."

"Kenapa?"

"Aku merasa bersalah sama Mang Yahya itu."

"Ya sudahlah. Kan sudah diselesai kan tadi."

"Oh iya ya. Aku kelupaan."

3
"LUCU ya!" Cakdu Oceng. Ya cawa rik Oseng. Tiyan ruwaja panunggu tanoh. Kok uni. Uni nihan. Pira katu runan mak pacak ngahitungna kapori kok unina.

"Kita lempar aja Seng. Mau?" Oceng ngakuk batu ronik podokna mojong.

"Untuk apa Ceng?"

"Aku kesal," jawabdu Oceng. Kok ga ambabitko batu hanjona, mihya dicogah Oseng.

"Nanti kalau mereka luka gimana Ceng?"

Sssssst ...

"Ke warung kayaknya Seng. Yuk kita dekati ..."

"Enggak mau Ceng. Buat apa?" Oseng mak panuju. Ya lobih sonang pok barih. Malok munih ngintik ma mang kita ja. Mak ongka hasil. Ma yahko badan. Tanihi botoh.

"Ayolah Seng. Sebentar ajalah. Aku janji tak akan lama," cakdu Oceng. Ya mih panasaran bagawoh. Api sai dicawako mamang pakja. Kintu bagawoh ...

"Sudahlah Ceng. Nyapekkan badan. Lebih baik kita ke tempat yang lain. Cari makan. Sebentar lagi siang. Perut lapar."

"Makan melulu pikiranmu Seng. Sekali- kali kita harus tahu apa yang akan dilakukan bangsa manusia."

Bakdu Oceng pocak ga suya, Oseng satuju modoki warung. Pok Mang Yahya rik rikianna mojong."

Api sai dicawako tiyan pakja?"

"Api cakku. Pasti hantu. Bonor mak?" Pingsansa Mang Latif maha ngikkik ...

"Biarin aja. Memang kita pikirin apa. Enggak kan?"

"Iya. Tapi nanti kita pula yang disalahin. Pasti hantu mereka bilang."

"Bodoh amat ah!"

"Amat biarin bodoh. Kita harus pintar. Jadi hantu jangan bodoh melulu. Tak salah kan jadi hantu pintar?"

Oceng rokob. Radu sina maha.

"Benar kata kau Seng. Lalu apa rencana kamu?"

Oseng bubisik di cuping Oceng. Maha ruwa-ruwana.

"Nyak juga yona."

Oseng ambabitko batu ronik han jona. Kona tong. Bubunyida. Kuat ya makwat ga. Mih tikanjot mamang kitaja.

"Api cakmu Mang Yahya,"  cawadu Mang Latif. "Layon jolma kan?"

"Pandapatmu apida kira-kira?"

"Mak barih ... Pasti hantu."

Hua ha ha ha ...

"Mak kambih mawas juksija wat hantu. Amun dibingi nyak parcaya. Mun ganta wat hantu, api sai haguk," cak Mang Kafi.

Ha ha ha ha ...

"Mak parcaya kuti. Liyak koda." Makuni ga, Mang Latif cawa, wat lagi ambabit tong.

Haaaaa ...?

Cepeeeek ...

Mamang pakja tikanjot. Cangko lang podok rang raya ronik.

"Sapadayo. Niku ngaliyak Mang Nasir?" Tanyadu Mang Yahya.

Mang Nasir mih anggilingko huluna. Mak pacak sapaya.

"Mak ongka barih, hantu dayona. Parcayada kuti." Mang Latif yakin sai ambabit hanjona pasti hantu.

"Mun cakku. Kita istirahat mojong pai disan." Mang Kafi nunjuk gubuk ronik. Podok rang raya kabolah kanan.

"Jadi," cakdu Mang Yahya. Sai barih satuju. Bakdu kok mawas. Jam sabolas lobih cutikda.

Oceng rik Oseng nutul jak balakang.

"Kemana mereka Ceng?"

Mang Yahya, Mang Nasir rik Mang Kafi mih maha mak bangik.

Praaaak ...

"Adoow ... Api yona."

Ha ha ha ha ...

Pandok kuruk banguk.. Batu ronik sina diumbanko Mang Latif di podok tanoman putri liyom.

"Hantu dayona Mang. Mak ya wat salah lagi." Guraudu Mang Yahya.

Ha ha ha ha ...

Tobe continued