Mang Kerio (6)

Mang Kerio (6)
Oleh Wak Amin




KRIIING ...

"Buka' Bu. Gancang. Lenak tepisingni .."

Kriiing ...

"Ibuuuu'. Buka' ...!"

Lawang dibuka' ...

Fatime tekejut. Dak nyangko Zuba ide balek. Naa .. Zubaude dewek langsung nerobos masuk. Keno dado kiri Cek Leha.

Ampir bae nyampak.

Zubaide belari ke belakang. Dikejer emaknyo Fatime.

"Zubaide. Tunggu ibu'."

Zubaide dak nyimbat. Dio buka' la wang wese. Ditutupnyo lagi.

Digedor Fatime ...

"Buka' Baidee .. "

Zubaide dak nyahut. Cuman dari da lem wece tedenger wong nyedok banyu. Suwaro kentut samo .. preet ... pet ...

Wong mising ...

"Tunggu luar Bu. Baide mising."

Astaghfirullah ..

"Ngomong dari tadi Nak kalu nak misng. Jadi dakdo sampe ibu' ngejer mak ini ..."

Tuuuut ...

Preeeet ...

Sambil ngomel dak keruwan, Fati me nemui Mang Kerio samo Cek Leha lagi duduk di teras ..

Santai niyan. Sikok ngelamun. Si kok lagi asyik denger lagu lewat earphone yang disambungke ke hape ...

"Mang ... Cek."

Yang nyimbat cuman Mang Kerio. Tesadar dari lamunannyo. Padohal yang dilamunkenyo taditu siiip ni yan. Betemu anak betino rajo, cantik pulo.

"Apo yang taditu ..?"

"Iyo Mang. Maaf ye Mang. Dio be cepet masuk taditu ruponyo nak mising .."

Fatime ketawo dewek ...

Mang Kerio senyum-senyum bae ..

Cek Leha?

Tau-tau tetiduk ..


"Alhamdulillah. Yang penting dio la balek Fatime. Aku samo Cek Leha melok seneng."