Mang Kerio (27)

Mang Kerio (27)
Oleh Wak Amin



PUCUK tongkang ...

"Kapan bejalannyo Om en Tante tongkang kitoni?" Tanyo Tuti teeran-eran. Perasaan la sejam lebih sede tik duduk di tongkang, tapi lum ju go bejalan.

Ado apo?

Apo sopirnyo lum ado?

"Masih makan," uji Mang Kerio ne nangke ati Tuti, temasuk Cek Leha yang mulak'i gelisah.

"Makan dimano Om?"

"Di rumah makanla Nak."

"Apo ado rumah makan deket sini Om?" Tuti tibo-tibo lapar endenger rumah makan.

Cek Leha ngenjuk isyarat enggeleng ke palak. Tapi Tuti makso Mang Ke rio.

Serbo salah ...

"Payula Om. Tuti lapar. Tongkang kan lum jugo bejalan. Bener dak Te?"

Giliran Cek Leha yang serbo salah. Takutnyo ado. Ngajak uwong ge mukla. Makan dak pacak dikit. Ba nyak. Na, kalu banyak pasti lamo makannyo.

Bener dak Lur?

"Ayola Om!" Tuti pecak nak nangis. Dak kolu jugo Mang Kerio jadinyo. Mak itu jugo dengan Cek Leha.

"Eeeem .. Mun ujiku mak ini bae Mang, Tut. Makmano kalu Om nyo bae yang beli nasi. Kito tunggu di sini bae."

"Dak apo-apo Te. Tuti galak bae. Ya ng penting perut akuni dak laper lagi."

"Makmano Mang? Mun ujiku lan jakkela. Mumpung tongkang lum berangkat."

"Payu kalu mak itu. Tunggu bae kamu disini."

Singkat cerito ...

Berangkatla Mang Kerio cari rumah makan. Dio dewek sebenernyo dak tau, ado apo idak rumah makan pa rak pelabuhan.

Becarianla Mang Kerio jalan sikil. Deket tiang listrik, dio ketemu lana ng mudo yang nak mancing udang deket pelabuhan.

"Ponakan, boleh betanyo dak?" Te gur Mang Kerio sambil nundukke dikit kepalaknyo.

"Boleh Mang. Tanyolah," jawab si lanang sambil narokke pancingnyo pucuk rumput iju.

"Ado rumah makan dak deket sini?"

"Setauku kalu deket sini dak katik Mang. Tapi kalu mamang galak be saro dikit mungkin ketemu.  Jarak nyo dari kito disini ke rumah makan tu kiro-kiro limo belas menitla kalu jalan cepet."

Mang Kerio lego caknyo. Jauh dek et dak jadi soal bagi dio. Janganke cuman bejalan, nyeberang lautan bae dio la biaso.

Di pucuk tongkang ...

Keroooook ...

Keriuuuuk ...

Cek Leha erah. Dari tadi tedenger bunyi itu. Darimanolaye? Cek Leha tegak. Dijingoknyo dermaga. Masih ado.

Anehnyo ngapo dak katik uwong. Kapal yang nak narik tongkang la tecuguk padohal. Ngapo lum jugo berangkat.

Cek Leha cemas ...

Dio nelepon Mang Kerio. Dio ceri toke apo adonyo.

Apo jawab Mang Kerio?

"Tebudi kito Ha," uji Mang Kerio sambil enggarut-garut palaknyo. Bekeringet karno bejalan.

Dio baru bae nyampe rumah. Pesan sepuluh ikok nasi telok bungkus sa mo banyu minum.

"Tebudi makmano itu Mang?" Ta nyo Cek Leha. Dak tau kalu Tuti jugo melok nguping di burinyo.

"Yang berangkattu tongkang si koknyo."

"Astaghfirullah. Jadi cakmano Mang. Apo kito?"

"Tetep berangkat. Tapi besok ..."

Ha ha ha ..

Tuti ketawo ngakak.

"Lenak kusangko dak bejalan. Yo namonyo bae tongkang. Katik me sin. Mano pacak bejalan."

Ado-ado bae ..