Mang Kerio (54)

Mang Kerio (54)
Oleh Wak Amin




Di kediaman Engkong Jamal ...


"POKOKNYO Kong. Dio klepek-klepek samo aku," uji Sofyan setengah maksola.

"Beres, tapi asal awak tau, ado syaratnyo," kato Engkong Jamal sambil ngerapike bajunya yang item di pucuk, bawahnyo putih.

"Apo syaratnyo Kong. Katoke bae. Dak usah malu-malu."

Engkong Jamal ketawo.

"Awak tau kan ini apo maksudnyo?" Engkong Jamal metuke duit kertas seratus ribu, dikipas-kipaskenyo makkayo wong bekipas.

Ha ha ha ...

Giliran Sofyan yang ketawo ...

"Fulus kan Kong? Gampang itutu Kong. Kubayar berapo bae Engkong mintak."

"Awak serius kan Sofyan?"

"Duwo riyus Kong. Katoke bae nak berapo."

Engkong ngembek pulpen di jeru gerobok kecik sebelah kanannyo, samo kertas kecik.

Dahtu dio enjukke samo Sofyan. Yang nerimo kertas bukannyo te kejut, malah ketawo ngakak.

"Cuman mak ini bae Kong? Tang gung Kong. Tambahla lagi .."

"Jadila cak itu."

"Idak nyesel Kong?"

"Idak."

Secarik kertas tadi, setelah dicium anget, cak uwong nyium duit baru, dimasukke di jeru kantong baju.

Eheeem ...

"Awak kunjuk jimat ini," kato Eng kong Jamal sambil enjingokke se wet item kecik segi empat," asalke kau bayar yang kumintak tadi.

"Musti cash Kong?"

"La iyola pulo. Mano ado uwong nebus jimat dikredit .."

"Ngapo mesti mak itu Kong?"

"Kalu dikredit jimatnyo dak ampuh. Luntur .."

"Kalu cash?"

"Na itu maunyo si jimat," uji Eng kong Jamal.

Sofyan cuman pacak manggut-manggut bae ..

Diem ngejut ...

"Makmano? Bawak duit dak?"

"Bawak Kong."

Engkong ketawo. Seneng ado, lego pulo.

"Berapo?"

Sofyan ngambek dompetnyo. Dio la tau berapo duit di jeru dompet.

Besak gaya bae ...

Engkong Jamal ketawo geli. La tau dio Sofyan embudike.

Dio cuman nak ngetes bae ...

"Makmano Sofyan? Berapo duit kau punyo?"

"Sepuluh ribu Kong," kato Sofyan malu ati.

Engkong Jamal ketawo ..

"Dah batal kalu cak itu ngenjuk ji matnyo."

Sofyan dak terimo ..

Dio mintak niyan dienjuk jimat. Dio dak galak balik sebelum nyekel sa mo embawak jimat.