Mang Kerio (50)

Mang Kerio (50)
Oleh Wak Amin






LEWAT telepon rumah.

Jeru kamar ...

"Makmanola Mang ye .." Cek Leha dak teomong. Dal tau ngapo. Mema ng balik begawe tadi dio makan pe te duwo iket.

Sedep soalnyo ...

"Makmano aponyo Ha?" Tanyo Ma ng Kerio, baru bae abis solat ashar.
Buka' kopiah, disangkutke pucuk antena tivi.

"Akutu takut Mang," uji Cek Leha sambil enjingok kucingnyo yang sejak dio balik begawe tadi meguk dak ulah ngeong.

"Dengan budak kerempeng taditu?"

"Iyo Mang. Takutnyo, waktu aku de wek'an, tau-tau dio metu. Na, mak manola Mang?"

"Lari sambil jeritke ... Maling .. ma ling .. tuluuung ... tuluung!"

"Iyo kalu ado uwong yang denger. Kalu katik makmanola Mang?"

"Pendek bacoannyotu," uji Mang Kerio sambil nyendok banyu kopi item anget manis.

"Maksud mamang?"

"Ajak bae bleki kemano-mano. Pasti aman," kato Mang Kerio. Kalu bu daktu nekad, kongkon bae bleki nerbapnyo.

Cek Leha tediem. Ragu dio. Iyo kalu di kantor. Kalu di mobil, apo dak em buat uwong takut.

Tekincit galo gektu ...

Ha ha ha ha ...

Mang Kerio ketawo. Keperi libarnyo ketawo, anak bungsunyo yang baru balik sekolah tekejut, ampir nyam pak kalu dak bepegangan di tali je muran.

"Awak tenang bae Ha. Kalu balik begawe gek melok mamang bae. Cakmano? Galak dak awak?"

"Galak bae Mang. Namonyo manak pastila lemak," kato Cek Leha. Gili ran dio ketawo.

Keperi ngekeknyo, kucingnyo yang meguk taditu telunjak. Ngelumpat pucuk piring nasi Cek Leha, tumpah galo-galo ke lantai bekeramik.

"Haaaa?" Mang Kerio endenger piring nyampak ..

"Wadah nasi ake disenggol kucing. Tunggu denget Mang yo, nak kube resi duken."

Mang Kerio ngenoke kopiahnyo la gi. Siap-siap nak ke mesjid, sem bahyang megrib ...

"Mang .. Mang!"

"Yo. Mamang disini. Ganti."

Cek Leha senyum bae ...

Kumat lagi kanji tuwonyo.

"Yang ngawani Leha di kantor siapo Mang?"

"Selain mamang, blekila. Pokoknyo amanla buat Cek Leha. Cayola sa mo mamangmu yang caemni ..."