Mang Kerio (51)

Mang Kerio (51)
Oleh Wak Amin


DI depan kantor Mang Kerio ..

DIPANGGIL dak nyahut, di bel mak itu jugo. La digedor samo bae. Dak metu-metu jugo Mang Kerio.

Kebetulan lewat lanang sikok. Pake' baju putih tangan panjang, sepan it em. Bawa tas cangking.

Enjingok Fendi cs ngetok-ngetok la wang kantor, dio berenti ...

Bedul endeketinyo ...

"Ngapo jingok-jingok? Dak senang ha?" Bentak Bedul.

"Bukan dak seneng Mas. Tapi ..."

"Tapi ngapo?" Gantian Fendi yang embentak-bentak. Dak tanggung-tanggung. Embentak sambil nyekel kerah baju karyawan kantor sebelah Mang Kerio.

Dak lamotu, sikok-sikok uwong ma rak'i karyawan tadi. Nak nulungla maksudnyo.

Mulonyo, karno belimo, yang data ng limo, masih ngelawanla Fendi cs. Tapi, waktu uwong yang datang makin banyak, lanak berejo ngincit.

"Pacak buntang kito disini," bisik Said pado Jampang.

"Maksud awak apo Id?"

"Cubo kau jingok duken yang di belakang sebelah kanan kito."

"Yang mano?"

"Baju abang .."

Jampang akhirnyo tejingok uwong baju abang. Palaknyo gundul, emba wak cangkul samo parang.

Ngeper jugo Jampang ...

Said marak'inyo.

"Makmanola uji kau Pang?"

"Kito ngincit bae."

"Budak tigotu?" Nunjuk Bedul, Fendi samo Kalam yang masih beradu mulut dengan si karyawan taditu.

Nyegak-nyegak, saling agak, cak bu dak nak saling cupak.

"Biarke bae," kato Jampang. Ngong kon Said becepet lari.

Praaak ...

Buug ..

Dak sempet enjingok lagi waktu nak belari, Saud samo Jampang numbur uwong gemuk katik ram but.

Tepundur dikit ...

Keno wong gemuk jugo. Ditahan denget, didorong ke wong gemuk katik rambut tadi.

Mak itula sampe sepuluh kali.

Bruuuk ..

Duuup ...

Gedebug ..

Tekapar pingsan ...