Mang Kerio (49)

Mang Kerio (49)
Oleh Wak Amin





FENDI yang ngeraso sakit ati samo malu, akhirnya 'ngincit' ke rumah Said yang kebetulan lagi nabuh gi tar samo niup suling dengan Bedul, Jampang en Kalam.

Fendi datang, lanang empat ikokni ecak-ecak dak tau ..

Ngeraso dak diperhatike, namonyo jugo budak mudo, ngamuk. Keno ta bok galo.

Gitar diuntalke. Untung dak ancur. Cuman nyangkut pucuk gerobak bakso ..

Mak itu jugo suling. Ampir bae te lindis ban tronton. Tesangkut di selo batu besak pinggir got ..

Ado-ado bae ..

"Kalu kamu belimoni dak galak nu lung aku, aku nak bunuh diri bae," kato Fendi, ngancem.

"Lajula. Aku nak enjingoknyo," uji Jampang.

"Dak keberani dio," kato Said samo Bedul.

Sedangke Kalam agak kuatir ..

"Takutnyo iyola niyan. Cakmanola?"

"Kuburke. Pening igo," uji Said.

"Iyo. Kito temelokla .."

"Temelok cakmanotu?" Tanyo Jampang.

"Dio nak bunuh diritu karno kito dak galak nulungnyo kan. Artinyo kito sengajo nyuruh dio bunuh diri. Na pastila keno hukum kito. Ye dak?"

"Ai dakken adola Lam. Aku ngeraso dak do ngongkon dio bunuh diri. Akutu cu man nak nguji dio. Apo iyo niyan atau gertak sambel. Cak itu bae," uji Jampang sambil enjingok selopnyo yang lain sebelah.

"Kalu laju niyan cakmano, cubo?"

"Mak uji Said tadi. Kuburke bae," uji Jampang. Enjingok selop kecik se belah.

"Jangan cak itu. Itu namonyo dak setia kawan," kato Kalam nginget ke.

Walau makmano jahatnyo konco kito, kito mesti merhatikenyo. Kalu ado masalah misalnyo, dak katik ruginyo kalu kito tanyo duken.

Kalu pacak ngatasinyo, kito atasi. Kalu idak nak diapoke ...

Yang penting kito dengerke duken apo masalahnyo ...

Itu bae ...

"Itu mun ujiku," uji Kalam. Lego, la teomong galo.