Mang Kerio (38)

Mang Kerio (38)
Oleh Wak Amin






"DIK. Boleh dak aku mintak sesua tu?" Tanyo Jamil, ngarep niyan per mintaannyoni dikabulke.

"Boleh Mas. Omongke bae. Kalu yang dimintak ado kunjuk. Tapi kalu dak katik nak diapoke."

"Aku mintak kau ijinke aku datang nemui duwo anakku, kapan aku ado waktu .."

"Horeee. Bapak nak main dengan kito terus," kato Ali en Topan, se rempak.

Seneng bukan main ...

Jamilah bimbang.

Makmanolaye ..

Bukan soal dak cinto samo almar hum suami. Tapi takutnyo gek Ali samo Topan tumbuh dak wajar.

Maksud aku, uji Jamilah di jeru ati, takut gek duwo anaknyoni laju beka wan samo makhluk halus. Dak ka sat mata, makkato wong jaman now.

"Dik. Dibolehke dak Dik?" Desak Jamil.

Ali samo Topan cubo nengahi. Nge rayu emaknyo supayo bapak boleh diijinke main di rumah.

"Kami seneng Mak," kato Ali de ngan rai pecak nak nangis.

"Iyo Mak. Ijinkela. Kesiyan bapak. Daripado dio dewekan di kuburan, lemakla ke rumah kito bae. Ado ka wan bapak, Mak." Topan bearep em aknyo ngijinke si bapak main ke rumah.

Jamilah mintak waktu.

"Mas, aku mintak waktu. Boleh dak kiro-kiro?"

"Boleh bae Dik. Aku tunggu sampai kapan bae," uji Jamil.

"Jangan lamo igo Mak." Ali takut kalu kelamoan bapak merajuk dak galak lagi main ke rumah.

"Iyo Mak," nyahut si Topan. "Kalu pacak besok la ado jawaban dari emak."

"Insya Allah. Mak janji secepatnyo," kato Jamilah.

"Na mak itu Mak." Ali en Topan lang sung meluk emaknyo. Idak nangis idak. Cuman lego bae.

Dak lamotu ...

"Payu Dik. Aku balik duken. Kagek aku datang lagi kesini. Endenger langsung apo jawaban dari kau."

Jamilah tesenyum.

"Ati-ati di jalan Mas," pesen Jami lah. Takut gek diapo-apoke uwong.

"Pacak balik dewek kan Pak?"

Ha ha ha ...

Sssssst

"Ali!"

Kalu penesan jingok-jingok uwong. Dak madak'i bapak dewek dimak ituke ...