Mang Kerio (30)

Mang Kerio (30)
Oleh Wak Amin

NGINGSER daging tikus ...

"Kalu cak ini pacak kayo gancang kito Yang," uji si bini sambil terus ngingser daging tikus sampe halus makkayo kito ngejus.

"Benar uji awak Yang. Tikus gratis. Dak beli lagi. Paling yang kito beli cuman mie bae ..."

Ha ha ha ..

"Aku nyesel Yang." Tibo-tibo si laki duduk deket ingseran.

"Ngapo biso nyeseltu Yang? Apo kau ..?"

"Ngapo dak dari dulu kito mak ini. Dak perlu betaun-taun nunggu supayo kayo .."

Si betino senyum libar.

"Kalu kito kayo kau nak beli apola Yang?"

"Mobil besak," kato si lanang sam bil niruke sopir pegang setir mobil, bebelok kiri kanan.

"Cuman itu bae?"

"Rumah besak."

"Dahtu?"

"Di kelepit aku ado betebek-tebek duit .."

"Dahtu?"

"Jadila Yang. Kalu gek dak cukup. Kau kan belum?"

"Ooo iyoye," uji si bini senyum malu-malu.

"Kalu awak apola Yang?"

"Kalu aku?"

"Iyo. Kau. Nak beli apo?"

Si bini diem denget. Berenti nging ser. Dio tatapi mato lakinyo, yang walau pendek cak buntel, tejingok ganteng makkayo pemain filem James Bond 007.

"Omongkela Yang. Andaikata aku kebanyak'an igo, batalke bae demi kau Yang, sikok-sikoknya yang ku sayangi di dunio ini ..."

Duileeee ...

Ngerayu niyeee ...

"Aku dakdo ngerayu Yang. Aku ngo mong terus terang. Kalu misalnyo kau nak beli apo yang kau mimpike sejak kecik dulu, aku dukung. Aku dak beli apo-apo, aku ikhlas asak kau punyo yang selamoni dak kau punyo."

Si bini terharu endengernyo ...

"Terimo kasih lakiku. Kau memang baik niyan. Dak sio-sio aku belaki kau. Aku dakdo nak beli apo-apo. Aku cuman mintak sikok bae sama kau. Itu jugo kalu kau dak kebera tan."

"Ngapo nak keberatan. Cuman kau dewekla yang kusayangi. Buat apo reto banyak kalu kau dak katik di de ket aku. Biarla kito buntu, tapi sela lu samo-samo. Makan dak makan kito dak ulah bebalah."

Tibo-tibo si bini bebisik ...

Tekejutla si laki.

Uwongla banyak 'meguk' di luar rumah. Ado yang pake' sewet, besepan pendek. Malah ado jugo yang pake' anduk bae.

"Aku mintak samo kau, kito belari bae. Dak sanggup aku ngadepi uw ong banyak."

Si laki tediem. Bukan dak galak nu ruti kendak bini nak belari. Tapi me mang dak mungkinla ..

Ngapo cak itu?

Jalan bae mesti pake' tongkat. Mak mano nak belari, nak tiduk pucuk ranjang bae lagi payah.

Tongkat diiculke, baru pacak tiduk.