Mang Kerio (32)

Mang Kerio (32)
Oleh Wak Amin





"MANG ..."

"Kau sebelah sano. Aku sebelah si ni," kato Mang Kerio nunjuk ke kiri en kanan.

"Siap Mang. Laksanakan!"

Mulo-mulo Cek Leha yang mekik. "Oi. Aku di siniiiii ..."

Haaa ...

"Kau denger suwaro tadi," uji betino gigi sikok rambut beuban galo.

"Denger," jawab kawannyo beidung setengah mancung.

Dicari-cari, akhirnya tedenger jelas waktu betino-betinoni tegak di teras.

"Oi. Aku disiniiii .."

Cek Leha sengajo metuke tangan samo sikilnyo, supayo keliyatan oleh para betinoni.

"Itu dio!" Betino begigi sikok tadi tejingok tangan balik pohon.

"Dak salah jingoj apo awak?" Tanyo kawannyo gemuk libar.

"Idak salah lagi. Payu kito tangkep dio. Kito isep otaknyo.

Cek Leha tegak denget. Sudahtu dio besingit balik batu. Diambeknyo batu sikok, dibabetkenyo. Keno pa lak idung mancung.

Marah bukan main dio. Segalo yang ado di deketnyo disepakkenyo. Te masuk batu sebesak palak uwong. Enjerit kesakitan.

Saat itula, takut ketauan, Cek Leha belari nyelamatke diri sambil me kik .. jombiiiii ...

Makmano dengan Mang Kerio?

Samo bae caronyo.

Mulo-mulo dio mekik cak ini. " Oi wong gilo galooo. Aku disiniii. Kejer aku kalu ngelawan. Aku dak ta kuuut ..."

Panas jugo ati endengernyo. Idak sempet ngomong-ngomong lagi, langsung metu ke teras.

Plangak plongok denget ..

Pessss ...

Entah dari mano, rai lanang perut gendut tibo-tibo keno taik cicak. Dak pacak ngomongkenyo. Malu ado, nak marah jugo ado.

Apolagi kawan-kawanyo pado ke tawo ...

"Sudah-sudah. Pasal taik cicak bae nak seuyok'an .." Lanang bebadan tegep mintak kawan-kawannyo be konsentrasi nangkep yang mereka kiro si Buntel, tukang bakso.

Mang Kerio metuke tangannyo dari balik batang pohon ...

"Oii uwong gilo galo. Aku disini .. Ke jer aku kalu berani."

Serempat nyelik ...

Serempak mekik ...

"Tangkeeeeep!"


Mang Kerio lari tebirit-birit. Ampir bae celanonyo koyak keno kawat waktu ngelumpat pager taneman rumah uwong ...

Sementaro itu ..

"Udah Yang. Aman caknyo. Luar dalem sepi galo," kato si bini lego karno dak jadi disantep uwong 'entah dari mano.'