Mang Kerio (56)

Mang Kerio (56)
Oleh Wak Amin





KESEL samo malu, akhirnya Sofyan balik nemui Engkong Jamal. Si Eng kong kebetulan lagi nanem ubi ka yu di buri rumahnyo. Jadi dak kede ngeran kalu Sofyan manggil-mang gil namonyo.

Untung bae, karno lupo bawak botol banyu minum, dio balik ke dapur, bu ka' kulkas, ambil botol.

Glek gek ..

Gek .. gek ..

Saat itula namonyo dipanggil ..

"Engkoooong!" Cak suaro uwong keabisan nafas.

"Ya saya Engkooong."

"Aku Sofyan, Kong. Buka' lawang. Aku nak masuk ..."

Lawang dibuka' ngejut ...

Praaak ..

Duuup ...

Palak Sofyan numbur lawang yang tebuka' separo. Untung dak apo-ap o. Idak lecet dak. Apolagi sampe bedarah.

Cuman memar bae ..

Abis minum banyu kulkas, beceri tola Sofyan kalu dio dikejer nenek-nenek.

Engkong ketawo ngakak ...

"Fitri la kau temui lum?" Tanyo Eng kong sambil melintirke rokok pucuk supayo lemak diisep.

"Lum. Waktu aku sampe rumahnyo la dalu. Lampu kamarnyo yang bia so terang jadi gelep. La dipidemke lampunyo."

Eheeem ...

"Jadi maksud awak nemui aku lagi nak ngapo. Nak ngenjuk tau itula. Dikejer nenek-nenek?"

Sofyan manggut-manggut ..

"Ngapola biso mak itu yo Kong?"

"Nak tau jawabannyo?"

Sofyan ngiyoke ..

"Karno duit beli jimattu lum kau lunasi," uji Engkong Jamal.

"Tapi kan aku la janji samo Eng kong kulunasi."

"Si jimat dak cayo omongan kau Sofyan. Kau pasti embudike."

Sofyan tediem ...

Sebenernyo bukan pekaro embudi ke apo idak. Tapi pengennyo Fitri langsung galak diajak kawin.

"Pacak bae. Asalke kau lunasila duit jimatnyo sekarang."

"Sekarang?"

"Yo sekarang."

" Darimanoku duit Kong kalu seka rang .."

"Yo mak itula. Kalu dak dilunasi Eng kong dak pacak nulung ..."

Sofyan cak nak nangis. Dibatalke alang dak lemaknyo. Diteruske duit dak katik.

"Awak kan punyo motor?"

"Iyo Kong. Dak baru idak. La sete ngah pake'."

"Na makmanola kalu awak bayar pake' motor bae .."

"Aku kemano-mano pake' apo Kong?"

"Pake' sikilla .."