Mang Kerio (36)

Mang Kerio (36)
Oleh Wak Amin





Di Ruang tamu abis megrib ..

Ali samo Topan belari nak nemui emaknyo di jeru kamar lagi ngaji. Nak ngenjuk tau bae kalu ado ba pak melok maen mobil-mobilan.

Ali samo Topan dak berani embe rentike emaknyo ngaji. Jadi tepak sola duduk dekat Jamilah. Diem. Khusyuk endenger suwaro emak mengaji.

Cindo niyan ...

Waktu Jamilah selesai ngaji, nyium Alquran, budak lanang duwoni me lok nyium pulo.

"Emak, emak." Kato Topan, waktu si emak nak keluar dari kamar. Tang an dicekel kiri kanan oleh Ali dan Topan.

"Ado bapak di ruang tamu."

Jamilah tekejut. Dio pandangi rai Ali samo Topan.

"Kalian sudah tau kan bapak kalian sudah meninggal dunia?"

"Tau Mak," jawab keduanya sedih.

"Mak kasih tau sekarang. Orang ya ng sudah mati itu dak mungkinla idup lagi. Jadi tak mungkin bapak kalian idup lagi. Mengerti kan apa kata emak?"

"Mengerti Mak," jawab Ali. Topan buru-buru menambahkan, "Tapi Mak, kami kasiyan ngeliyat bapak."

"Kesiyan? Kesiyan kenapa?"

"Bapak nangis terus. Dia nak melok maen. Jadi kami ajakla bapak ma en samo kami," uji Ali.

"Iyo Mak. Kato bapak, tempat dio sano sepi. Sikok bae dak katik uwo ng," kato Topan.

"La jelas dak katik uwong Nak. Na monyo jugo kuburan. Paling yang ado tukang jagonyo."

"Budak cak kamini Mak dak katik jugo apo?"

"La jelasla. Uwong besak bae dak katik, apolagi yang kecik cak kamu beduwoni. Lagian, ke kuburan nak ngapo?"

"Yo mainla Mak," kato Ali.

"Main layangan misalnyo. Pasti lemak Mak. Banyak anginnyo, tem pat mainnyo libar," kato Topan.

"Tapi kalu diembek antu makmano?"

"Kato bapak,  idak Mak."

"Bener kato Alitu Pan?"

"Bener Mak. Kato bapak, bapak nak maen bae. Dakdo nak ngapo-ngapo in. Abis maen bapak balik," uji To pan, niruke omongan bapaknyo tadi.

"Dak nyebut namo Emak?"

"Idak Mak," jawab Ali.

Ngapola ye?

Apo dio benci samo tubuh?

"Mangkonyo Mak kito temui ba pak. " Ali narik-narik tangan emak nyo. Ngongkon nemui bapaknyo di ruang tamu.

"Payula Mak. Denget bae," rengek si Topan.

Dak kolu jugo akhirnyo ..