Jok-jok Koda (2)

Jok-jok Koda (2)
Oleh Wak Amin





MAK unisina, liyuda Mang Daud. Ngusung tangkul sambil bunyanyi. Juksija nyanyianna ...

   Alang saro nyopok duitsa
   Anggoman di lambahan ga
   suya bagawoh ...
   Anak mih pacak nadahko
   pungu ...


   Alang mak bangik huriksa
   Ooi iyuu ..
   Kalopit mak ngisi duit
   Banguk poros
   Ngudut mak pacak ...

   Amun pacak huriksa juksija
   Guwai api kahwin gancang
   Nyopok pai gawe sina
   sai holaw ...
   Mak nyusahko jolma tuha
   sina sai disopok ...

   Duhai iwak tulung nyak oi
   Dang lijung kintu ditangkul
   Sai jadida asal balak
   Gulai mongan onti bingi ..

Ha ha ha ha ...

"Manjau pay sangarobok oi Mang Daud," cakdu Mang Ibnu, ompai ga rogoh jak ijan batu.

"Onti juga oi. Ga gancang yoja. Rabaina, kintu mak gancang iwakna cang kolang ..."

Ha ha ha ...

"Gabung rik sikam ruwa juga Mang Daud, haga yo?" Mun gabung kan jadi tolu. Kintu bagawoh iwakna bupodok.

"Kuti ruwa ga tidipa?"

"Ga nyopok iwak hoda Mang Daud," cakdu Mang Ibnu.

"Nyopok iwakna buparahu Mang. Hagayo?"

"Mih mojong," cakdu Mang Ibunu, "Mak kambih mak haga."

"Ganta api nonti?"

"Sangarobok lagi. Cakak dapai. Kita ngopi. Cawa-cawa sangarobok. Ra du sina ompai go tilawok," cakdu Mang Komis.

Ompaida ga mojong, hongas-ho ngas ratongda Mang Iluy sambil cawa .."Turuk nyak oi. Iyot nyak oi. Pangatu pingsan sada oi ..."