Mang Kerio (125)

Mang Kerio (125)
Oleh Wak Amin





"BENER kato tantetu," uji Cek Leha waktu dimintak'i pendapatnyo oleh Yunita yang sengajo bekunjung ke kantornyo Mang Kerio pagini.

"Sebab Tante Yunita ye," kato Cek Leha sambil nyilake Sinta nyubo teh susu, "Kato uwong tuwo kito dulu, pekaro kawintu dak boleh dianggap sepele .."

"Akorlatu Nak Leha. Tante setuju dengan pendapat kautu. Terus .."

"Idak sedikit betino yang tebudi ol eh lanang. Ngaku kayo taunyo dak punyo apo-apo. Ngaku lanang baik-baik, ee taunyo buayo darat. Ngaku lum kawin, ruponyo la bebini."

"Heeem. Akor niyan omongan kautu Nak Leha. Dak apo-apo kan Tante sambil minum?"

"Idak apo-apo Tante. Namonyo la diidangke. Mesti diabisi ..."

He he he ...

"Laju dak kelemak'an pulo Tante Nak Leha. Awak aus niyan me mang," kato Yunita.

Cak idak bae. La duwo gelas ma suk jeru perut ...

"Aku boleh teruske ngomongnyo Tante Yunita?"

"Bukan lagi boleh, tapi terus sampe abis .."

He he he ...

"Ibarat makan, bukan bae nasi yang nak diabisi. Lauknyo jugo sekalian," uji Sinta. Sekali ngomong bikin em aknyo ketawo di jeru ati.

"Kesimpulannyo .."

"Cepet niyan Nak langsung kesim pulan. Tambahila lagi dikit .."

"Mamang la datang Te." Nunjuk dari balik kaco ke pelataran parkir. Mang Kerio baru bae turun dari mobilnyo.

"Payu kalu mak itu .." Tante Yunita langsung tegak. Siap nak bejalan marak'i lawang besak kantor Mang Kerio.

"Mama nak kemano?" Tanyo Sinta eran. Mestinyo kan Cek Leha yang nyambut.

"Mang Keriotu kawan deket Mama. Dak lemakla tepeguk duduk di kursi bae say. Yula, melok Mama .."

"Tunggu denget Ma. La kepalang. Kuabisi duken teh susu akuni. Biar lego .."

"Sekalian punyo Mama jugo."

He he he he ...