Oleh Wak Amin
DAK lamotu Sulaiman metu dari ka marnyo. Dio dak pulo tau ado ribut-ribut di luar. Dio tiduk nyenyak. Dio pengen metu karno aus.
Waktu ke dapur, tejingokla ibuknyo samo Cek Leha. Serius ngomong. Mendadak berenti waktu Sulaiman datang.
"La bangun Nak?"
"Iyo Buk. Aku aus. Nak minum du ken."
"Yo lajula."
Abis minum, Sulaiman diajak ibuk nyo samo Cek Leha nemui ayahnyo di teras.
Sulaiman dak galak sebenarnyo. Ta kut digebuk'i lagi oleh ayahnyo. Kar no ibuknyo yang ngongkon, galak bae akhirnyo.
Di teras, Pak Marwan janji di depan Mang Kerio dakke lagi nak nyikso anaknyo. Dio pengen embahagiake anak samo bininyo.
Itu baeee ...
"Ayah?"
Sulaiman terumpak nyium tangan ayahnyo. Pak Marwan ngongkon tegak. Dipikir nak ngapo. Taunyo meluk bae.
Sambil nangis pulo ..
"Maafkan ayah ye Nak. Ayah besa lah. Selamoni ayah la bebuat kejam pado kau Nak," kato Pak Marwan sambil nyium-nyium rambut Sulai man yang item berombak.
"Samo-samo Yah. Sulaiman jugo minta maaf kalu selamoni ado kelakuan Sulaiman yang embuat ayah tesinggung dan marah."
Ngejut Pak Marwan ngelepaske pelukannyo. Dio cium bekali-kali pipi Sulaiman.
Firasatnyo ngomong anaknyo nak pegi, entah kemano ..
"Jangan Nak. Jangan tinggalke ayah, Nak ..."
Ngerengek cak budak kecik ..
Mang Kerio, Cek Leha samo Mar yam cuman tepelongok bae enji ngok tingkah Pak Marwan.
"Aku dak kemano-mano Yah. Aku cuman nak ngelanjutke gaweku tadu bae ..."
"Gawe apo?"
"Tiduk Yah."
He he he he ...
Tidak ada komentar:
Posting Komentar