Mang Kerio (138-tamat)

Mang Kerio (138)
Oleh Wak Amin





"KELEMAK'ANNYO dimanola Ma?" Tanyo Sinta penasaran.

"Yo banyakla," jawab Yunita, mintak tambah susu lagi. Segelas besak masih kurang.

"Gek Mama gendut."

"Kalu gendut ngapo memang?"

"Dak laku lagi Ma."

He he he ..

"Cepet. Cepet buatke susu Mama."

"Oke Ma."

Ruponyo Yunita bingung jugo nak mulak'i darimano dio nyeritoke soal lemak kelemak'antu.

Untungla, pas Sinta narokke gelas susu anget pucuk meja bulet, dio tau apo yang nak diomongke.

"Lanjut Ma ceritonyo."

"Di antaranyo waktu Papa kau enggendong Mama."

Yunita senyum-senyum dewek kalu ngingetnyo ...

"Perasaan biaso-biaso bae Ma."

"Itu kato kau. Kato Mama idak mak itu Say."

"Apola lemaknyo Ma?"

"Gendongannyotu Say. Kalu yang enggendong wong yang kito cinto pasti lemak. Sekarang Mama tanyo kau, waktu kau digendong Papa dulu cakmano?"

"Cakmanolaye. Susah ngomongke nyo Ma. Dikatoke lemak iyo jugo sih. Dikatoke dak lemak yo biso jugola."

"Ai dakken ado cak itu Say. Retinyo tu kau dak sayang samo Papa kau."

"Sayangla Ma."

"Ngapo biso lemak dak lemaktu?"

Sinta bepikir denget ...

"Mak ini Ma ..." Numpang nyicip seteguk susu Mamanyo. Karno lemak abis enam teguk.

"Makmanotu Say?" Yunita engge ser kursinyo supayo agak bedem petan dengan kursi Sinta.

"Eeem .. Dikatoke lemak karno wak tu digendong Papa raso adem. Po koknyo dunioni cak surgo Ma."

"Dak lemaknyo?"

"Mama galak cemburuan."

"Mama? Cemburu samo siapo?"

"Samo Sintala."

"Idak ah. Mama dak pernah cem buru," kato Yunita, asak enjawab bae.

"Ngapo setiap kali Sinta digendong Papa, muko Mama cemberut. Cak dak seneng?"

Senyum dak lemak ...

"Ngapola Ma?"

"Idak ngapo-ngapo Say. Cuman Pa pa kautu galak sekiwit ..."

"Sekiwit makmanotu Ma?"

"Sudah enggendong kau, Mama nak mintak gendong, jawab Papa kau .. La tuwo Ma. Jangan galak balik bu dak."

Ha ha ha ...(tamat)