Oleh Wak Amin
"SAI .. ruwa .. tolu ..."
Nyolom pas motor ketek lapah. Ma ng Sehu rik mouli cindo bulimaja mak pacak bakdu fokus ga ngitori pinggirdu lawok.
Byuuur ...
Partamo luwah jak wai Mang Ibnu. Radu sina Mang Iluy, Mang Komis rik Mang Daud.
Mihongas, kok tamtu.
Ngison, dang cawako lagi.
"Tidudo juga kita. Aman pocakna," cakdu Mang Komis.
Bah lambahan. Mak katinonganga mun busingik dija.
"Kintu wat buhana Mang?" Mang Iluy rabai bakdu tolahna lawok pas ti wat hantu ayo rik buha.
"Mang ongka. Parcayada rik nyak," cakdu Mang Komis.
Bakdu mak ongka sai barih, bupo dokda tiyan limaja di bah lamba han.
Waina ngison ...
Tiba-tiba ..
"Anak buha .." Cakdu Mang Iluy. Sai barih mih maha.
Mak mungkinda buha mih nganik joma sai. Podok munih. Mak jawoh.
"Cuba kuliyak pai." Mang Ibnu nyo lom sangarobok. Ya mih maha.
"Iwak anak'an," cakna. Api sai tikara baiko.
"Bubonor?"
"Liyakda mun mak parcaya."
"Nyolom nyak yo," cawadu Mang Iluy.
Waktu luwah jak wai mih rokob. Ra baina lobon. Liyomna sai lokok.
"Radu. Ganta," cakdu Mang Daud," kita buhoning pai dija."
"Mun cakku dang uniga," sarandu Mang Ibnu.
"Nyak hoda," cakdu Mang Komis.
"Kitaja bintung kaunyin-unyin. Juk sipada mun kita cakak. Mumpung sopi. Mak ongka jolma," cakdu Mang Iluy.
"Cakak tidipa?" Tanyadu Mang Da ud.
Bonor mak ongka jolma. Mihya kita mak pacak di lom lambahan. "Pa cak bagawoh wat jolmana. Bonor mak? Layon curita kintu ..."
"Kintu api Mang Daud?" Tanyadu Mang Iluy.
"Kita bulima nekat .."
"Maksud Mamang"
"Kita cakak bintung. Kita ratongi lambahan sai podok. Kita nginjam kawai. Onti kita ulohko lagi. Juk sipa?"
Tidak ada komentar:
Posting Komentar