Mang Kerio (120)

Mang Kerio (120)
Oleh Wak Amin



18. Episode : 'Dibuntingi Calon Laki'


"MAMA cakmano ini?" Melok ma manya, Maria nangis sesunggu kan. Cak uwong keselek ..

"Makmano aponyo? Jangan buat mama bingung Maria." Tante Nina, mamanya Maria eran enjingok kela kuan anak gadisnyoni.

Metu dari kamar, sambil belari me luk mamanyo yang lagi asyik baco buku novel tebel di ayunan ruang tamu.

"Jadi mama dak tau?"

"La iyola say. Mama dak tau ngapo kau tibo-tibo meluk mama sambil nangis. Apo karno duit jajan kau la abis?"

"Bukan Ma."

"Jadi apo?"

"Perut Maria Ma." Maria nunjukke perutnyo yang kejingokan agak ngembung dikit.

Sang Mama masati niyan perut Ma ria. Dibanding-bandingkenyo de ngan perut dio.

"Awak nak nyerikke mama yo. Tera ngla bagus perut kau. Kau kan ma sih gadis. Belum ngelahirke. Seda ngke mama setengah mati separo idup emberanakke kau ..."

"Bukan itu Ma maksud Maria. Ma riatu nak ngenjuk tau mama kalu sebenarnyo  ..."

"Sebenernyo apo? Sudahla say. Ma ma akuila, kalu soal perut memerut, punyo kau lebih siiip."

"Sebenernyo .. Sebenernyo ..."

"Kau nak jalan samo Ridwan kan? Lajula. Tapi inget. Jangan lamo igo .."

"Mariatu bunting Ma."

"Apo?  Bunting?. Idak mungkin. Kau embohongi mama bae."

"Idak Ma. Bener Maria bunting," ka to Maria. Nak nyium sikil emaknyo, tapi dilarang Tante Nina.

"Cubo buka' lagi baju kautu say."

"Buat apo?"

"Nak mastike bae, bunting niyan apo idak kauni."

Sudah keliyatan perut, Tante Nina nempelke kupingnyo ke perut Ma ria.

Lamo jugola. Cak tigo menit. Dahtu ..

"Dak tedenger apo-apo say."

"Maksud mama bayinyo cak itu?"

Sang Mama manggut. Ngiyoke ...

"Terangla dak katik Ma. Kan bun tingnyo baru sebulan."

"Sebulan?"

" Iyo Ma. Sebulan."

Maria meluk kenceng-kenceng emaknyo. Nangis jugo. Dio ngarep ke Sang Mama memaafke. Itu bae. Lain idak.

Karno buntingni sebenernyo bukan kendak dio. Tapi kendak calon laki nyo, Ridwan.