Mang Kerio (122)

Mang Kerio (122)
Oleh Wak Amin



"KALU mak itu Ridwantu harus ditagih ye dak Mang?"

"Ai Mamani cak nagih utang bae," ka to Maria, walau lum jadi laki, dak ke lemak'an dengan Mang Kerio dan Cek Leha.

"Yo kalu dak mak itu dio dak galak tanggung jawab ye dak Mang."

"Maksud Mama kautu bagus Ma ria. Yo namonyo lanang galak bejan ji bae. Banyak la dak ditepati. Seka rang la jelas kau bunting, retinyotu Ridwantu harus ngawini aku. Na, ka lu misalnyo dio dak galak, cubo makmano?"

"Kuceturke dio Mang," kato Mario.

He he he he ...

"Lemak bae dio. Mentang-mentang dio lanang, cak nak jaguk dewek. Walaupun aku betino, aku jugo pacak Mang nyeturke lanang."

Ha ha ha ...

"Kalu pacak jangan," uji Mang Kerio, nenangke Cek Leha yang cak nak kepanasan.

"Ngapo Mang? Biarla. Baru dio tau raso Mang. Dak lemak dibudiketu." Maria nak tegak, tapi becepet diko ngkon Mamanyo duduk lagi.

Dio lenak enggari Ridwan. Tapi, ka to Mang Kerio, kagek baela. Kito cari waktu yang tepat.

Kapan?

Dipilihla waktu Tante Nina ulang ta hun. Dirayoke di rumah. Selain du lur samo kawan deket, jugo diunda ng Ridwan.

Mulonyo dak galak. Alasannyo ba nyak gawean. Tapi, setelah dibujuk-bujuk oleh Mang Kerio, yang ngaku temen sekolah Tante Nina waktu di SD dulu, galak jugo datang.

Ridwan datang pas uwong la bubar galo. Jadi di rumah cuman ado wo ng limo. Om Zainal, papanyo Ma ria, Tante Nina, Maria, Mang Kerio samo Cek Leha.

Ridwan datang pake' jas bedasi ku pu-kupu. Pake' mobil sedan, datang dewekan. Bukan cak jaguk'an bu kan. Tapi uwong tuwo lagi ado ga we. Dak biso ngawani ngehadiri ultah Tante Nina.

"Sore Om, Tante." Ridwan nyium ta ngan uwong tuwo Nina.

Tapi Maria idak. Ditegurke lagi idak. Kepanasanla Maria. Sedangke Ma ng Kerio samo Cek Leha, yang jugo dak ditegurke Ridwan, biaso-biaso bae ...

"Sabar yo Maria." Mang Kerio nya ranke minum banyu putih duken biar tenang, ilang marahnyo.

Sudah tenang, baru Mang Kerio ya ng ngomong. Nanyoi balik apo dio tau Maria bunting.

"Idak Mang. Aku idak tau," uji Ridw an. Ecak-ecak dak tau, padohal la tau sebenernyo.

"Embudike dio Mang. Dasar lanang dak keruan agek. Kugocoh gek kau. Kututus palak kau."

Sempet enggebuk dado Ridwan, ke sakitan dan ampir bae tejungkel ka lu dak ditahan Mang Kerio pake' pahonyo.

"Sudah .. sudah. Nina. Ini Papa," ka to Om Zainal, langsung meluk Ma ria yang nangis sesungguk'an.

Ngeraso tedesak, Ridwan akhirnyo terus terang ngaku kalu sebenernyo la tau Maria la bunting.

"Ngapo baru ngomong sekarang ka lu la tau?"

"Aku lum pecayo niyan Tante. Soal nyo kujingok perut Maria biaso-bia so bae.Terus mual nak muntah idak."

"Sekarang la cayo lum awak?"

"Maksud Mang Kerio?"

"Bahwa perut Maria la besak?"

Eeeem ..

Dipasati denget ..

"Cubo kujingok duken ye Mang, Om samo Tante," kato Ridwan, marak'i Maria, yang sempet nulak tadinyo.

Dak permisi lagi, tepijitla perut Maria.  Sempat enjerit.

Praaak ...

Dibalesnyo dengan enggebukke bantal ke palak Ridwan.

"Sakit tau dak kau. La embuntingi, nyubit pulo. Dasar lanang nak le mak dewek.

"Maafke aku Maria. Aku bener-bener dak sengajo."

Masih marah, Maria diem bae.

"Om, Tante. Ridwan mintak maaf ni yan. Ridwan janji besok langsung ngelamar Maria."

"Dak usah ngelamar-lamar lagi. La ngsung kawin bae," kato Maria. Ma sih marah, tapi dak gerem lagi.

Supayo suasana dak nambah pa nas, Om Zainal, Tante Nina, Cek Leha en Mang Kerio berembug denget.

Sedangke Maria samo Ridwan dibi arke duduk di kursi masing-masi ng.

Dak seomongan ...

Sedieman bae ...

Dahtu saling jebili, mijit lubang idu ng dan enjingok dak setemuan.

Makmanotu?

Waktu Ridwan nunduk, Maria nye lik. Ridwan nyelik, Maria embuang rai.

Mak itula seterusnyo sampe Mang Kerio ngomong cak ini ...

"Nak Ridwan, kato Om Zainal dan Tante Nina, silakan ngelamar be sok ..."

"Terima kasih Mang, Om dan Tante Nina ..."

"Pa?!"

Maria nak protes, tapi dak jadi kar no langsung dipeluk Om Zainal.

"Papa sayang kamu Nak. Sudah dilamar besok kamu kawin samo Ridwan. Demi Mama dan Papa, mau kan?"

Maria dak enjawab, meski di jeru atinyo seneng bukan main.