Mang Kerio (130)

Mang Kerio (130)
Oleh Wak Amin


LA agak lego dikit ...

"Eem .. Jadi cak ini Kar."

"Kar tu siapo Ma?" Kiroan Sinta, Kar tu anaknyo Mang Kerio, yang nak dipaduke samo dio.

Ke gee eran lu ...

"Kar tu namo asli Mang Kerio. Pang gilan di kelas .. Kar .. Kar .. Cak itu say. Kalu luar kelas Zulfikar ....Mak itu say. Paham ya?"

"Lebih dari paham Ma."

"Oke lanjut. Jadi Kar, makmanola bagusnyo ponakan kauni?"

Eeeem ...

Mang Kerio mikir denget. Bejalan marak''i jendelo. Enjingok'i mobil be baris-baris.

Dahtu duduk lagi ...

"Makmano Kar?"

"Mun ujiku Yun lepaske bae galo-galo ..."

"Lepaske yang tigo ikoktu, Kar?"

"Mak itula kiro-kiro Yun."

"Sin. Denger dak kato Mang Kerio barusan?"

"Denger Ma."

"Makmano pendapat kau?"

"Dak papo Ma dilepaske tigo-tigo nyo. Asal bae ..."

Sinta tesenyum geli.

"Asal bae maksud kautu apo Sinta. Mama jadi bingung. Yang jelas dan tegas kalu ngomongtu."

"Takutnyo gek Mama tesinggung."

Haaa ?

Yunita mambah bingung. Le nak mumet palakni. Tapi masih biso ditahanke.

"Mama dak apo-apo kan kalu Sinta omongke?"

"Idak. Omongke bae samo Mang Kerio. Sudahtu kito balik."

"Asal bae anak Mang Kerio yang lanangtu enjukke bae samo Sinta."

"Astaghfirullahal azhiem. Sinta!" Ma lu campur marah. Kalu bukan di de pan Mang Kerio, la diremetnyo rai cantik itu.

"Sudah .. Sudah .." Mang Kerio cubo nengahi ..

Dak lamotu telepon bebunyi. Diang kat Mang Kerio. Ruponyo dari anak nyo Hasan, yang mampir denget ke kantor abahnyo nak ngajak makan siang.