Mang Kerio (58)

Mang Kerio (85)
Oleh Wak Amin




HOREEE ...

Klepak pak .. plak pak ...

Tepuk tangan begemuruh. Wargo yang semulo tiduk nyenyak, ende nger uwong betepuk tangan, beso rak-sorak, langsung tebangun.

Ado yang ngintip dari selo jendelo, tegak di garang, di teras, pekarang an depan rumah. Malah ado, supa yo tau apo yang sebenernyo terjadi, belari marak'i uwong rame.

"Ado apo, ado apo?" Tanyo betino tuwo besewet kembang tigo rupo.

"Mang Rahmat Nek," kato gadis betelekung serbo putih

"Ngapo?"

"Naksir Cek Leha. Ngajak kawin," uji si gadis. Seneng enjingok Mang Rahmat kawin.

Idak jadi 'buruk tegantung ...'

"Alhamdulillah," kato si nenek. Lang sung balik nak nyiapke idangan sa wur cucung samo lakinyo.

Makmano dengan Cek Leha?

Lum ado jawaban. Rainyo menda dak abang. Bekeringet dingin. Mu lut berat nak ngomong.

"Ngomong-ngomong Mang," kato Pak Erte, " Ngapola kau galak samo Cek Leha ?"

"Keibuan Pak Erte ..."

He he he ...

Rombongan lanang ketawo galo. Ya ng betino? Ketawo diem-diem. Dak lemak samo Cek Leha. Kalu dio sampe marah atawa ngamuk, cak mano.

"Lajukela Cek," uji betino anak sem bilan ikok, "Mumpung lagi ado la nang galak."

"Iyo Cek," uji kawan si betino yang sebentar lagi nak kawin samo toke iwak asin, "Takutnyo, kalu nolak, kelajuan galaktu."

"Kelajuan makmanotu Cek?" Tanyo jando jayo, anak cuman sikok pulo.

"Idak kawin-kawin ..."

"Gadis tuwo cak itu Cek?"

"Kurang lebih cak itula ..

Ngamanke, Pak Erte endeketi rom bongan ibuk-ibuk. Ngongkon dak usah seru niyantu. Biaso bae.

" Leha. Itula perasaan hati Mang Rahmat samo kau. Betul dak Mang apo yang kuomongketu?"

"Betul Pak Erte."

"Jadi kalu kau galak, alhamdulillah. Tapi kalu kau nolak, Mang Rahmat nerimo bae. Idak marah, idak kecik ati dak ..Mak itu kan Mang?"

"Betul Pak Erte ..."

"Sekarang teserah kau Ha. Amun kau lum pacak jawab sekarang, be sok atau luso jadi. Mak itu kan Mang?"

"Betul Pak Erte .."

Betino tuwo bebaju kurung marak'i Pak Erte samo Cek Leha.

"Mun ujiku dak usah nak cepet. Biar kela Cek Leha bepikir duken. Mu tuske nerimo apo idak kendak Ma ng Rahmattu. Mak itu kan Ha?"

"Bener Bik," uji Cek Leha, pecak nak nangis.

"Kau dak usah tegang igo Ha," kato Mang Kerio," Biaso bae. Anggap bae pantun besawut. Pantun dari la nang sudah kito denger, sekarang nunggu pantun dari betino."

"Akorlatu Mang," kato rombongan lanang serempak.

Ketawo lego sambil ngudut rokok pucuk betembaku ...