Mang Kerio (76)

Mang Kerio (76)
Oleh Wak Amin






GEDEBAG gedebug ..

Saling gocoh. Samo keno.

Dak lamotu ...

Bruug ..

"Aduh." Pak Dukun teduduk keno terajang Mang Jon.

Mang Jon ketawo ngekek.

"Cuman mak itu bae kehebatan awak Pak Dukun," ejek Mang Jon. Dio parak'i Pak Dukun. Nak nijak sikilnyo.

Huuup ...

Pak Dukun nerajangke betis Mang Jon. Langsung nyampak ..

Braaak ...

Palak duluwan. Untung cuman ke no kotak sampah. Jadi dak sakit igo.

"Aduh .." Cak nak nangis Mang Jon. Penglihatannyo sempat kabur dan bekunang-kunang.

Ha ha he he ...

"Pacaknyo cuman lawan betino. La nang kerek," ejek Pak Dukun sam bil embersihke bajunyo yang belepo tan keno tanah becek.

Mang Jon berusaha tegak. Biso. Ta pi denget kareno tibo-tibo rainyo ke no tinju Pak Dukun.

Tepundur ...

Bepegangan di pagar.

Duuugh ...

"Auuugh." Mang Jon enjerit. Perut nyo keno gocoh pulo.

He he he he ...

"Masih nak ngelawan haaa?"

Enjingok rai Pak Dukun yang be rubah sangar, Mang Jon ngeper jugo.

"Idak Pak Dukun. Idak. Aku ngaku kalah," kato Mang Jon. Masih bepe gangan di selo besi pager.

"Niyan?"

"Niyan Pak Dukun. Aku janji."

Pak Dukun balik badan.

Waktu balik badan tula, Mang Jon ngambek batu bato, digepukkenyo ke kepala Pak Dukun.

Pak Dukun puyeng ..

Mang Jon dak nyia-nyiake ke sempatan ini. Dio sepak pantat Pak Dukun, langsung tesungkur.

Masih lum puas, dio sepak bekali-kali badan Pak Dukun dari paho, perut, leher, palak, tangan sampe dado.

Pak Dukun tediem.

Dak begerak ...

Nak mastike apo masih idup apo idak, dio telentangke badan Pak Dukun.

Dio pasati rainyo. Dio ludahi. Dahtu pegi ...