Mang Kerio (62)

Mang Kerio (62)
Oleh Wak Amin



MAIMUNAH tepakso ngembek ja lan pintas ke kiri. Sebab, kalu dipak soke lurus bakal tekejer oleh Mang Harun, yang nunggang kudo.

Jalan ke kirini besemak. Cuman ado beberapo ikok rumah kayu be tiang tinggi. Maimunah berenti di rumah paling ujung.

Huuup ...

Maimunah ngelumpati got. Dio lupo padohal ado jeramba kayu kecik de ket situ. Jeramba itu khusus digu noke yang punyo rumah untuk ke perluan sehari-hari.

Maimunah nyelik ke pucuk. Ado wo ng tuwo meguk parak jendelo ruang tamu. Rambut beuban galo, tapi caknyo masih sehat-sehat bae.

"Hey, nak maling yo?" Tanyo betino separo tuwo nyelik Maimunah baru nak nyelip ke kamar mandi.

Maimunah tekejut ..

"Idak Buk. Maafke aku," uji Maimu nah sambil embungkukke badan.

"Kalu idak ngapo ke kamar mandi. Pasti ado apo-aponyo kan? Kau bukan budak sini kan?"

Maimunah tepakso ngaku kalu dio dikejer lanang bekudo. Sambil na ngis dio ngaku terus terang maling ayam samo bebek jawo karno nak kepingin cak uwong-uwong lainla Buk."

"Maksudnyo?"

"Duit enjual ayam samo bebektu ku belike bedak samo pupur," uji Mai munah, nyesel maling peliharoan uwong.

He he he he ...

Ketawola betino bekuncitni. Dak lamotu metula lakinyo. Tekejut en jingok Maimunah. Ngapo pacak ado di rumahnyo.

"Lucu Kak," kato si bini, lum berenti jugo ketawo.

"Lucu makmanotu Dek?"

"Maling ayam samo bebek untuk embeli bedak samo pupur. Ngapo dak lucu. Selamoni kan biasonyo uwong malingtu duitnyo difoya-foyake. Bener dak Kak?"

Si laki ngiyoke bae ...

"Terus dioni ...?"

"Lari dari penjaro. Dikejer lanang bekudo. Lajula dio besingit ke ru mah kitoni. Cak itu ceritonyotu Kak."

Si laki penasaran. Dio kongkon Mai munah naik. Dio nanyo makmano niyan ciri-ciri lanang bekudotu.

Pengen tau bae ...

Maimunah nginget-nginget dikit. La teinget apo yang diliyatnyo baru dio ceritoke samo lanang tinggi se ma mpai di sebelah kirinyoni.

"Namo kakak, Mang Jali, binikuni namonyo Syarifah," uji Mang Jeli ngenalke dirinyo samo bininyo.

"Namoku Maimunah," kato Maimu nah ngenalke diri dengan caro nya lami Mang Jali samo bininyo.

"Kalu bener yang awak ceritoketu Dek uwongnyo, kakak kenalla. Ka wan kakak diotu. Namonyo Mang Harun," jelas Mang Jali.

Maimunah hanjak jugo endenger nyo ...

"Memang tugas dio Dek nangkep uwong .."

Ooooo .. cak itu.

"La iyola. Jadi gektu, kalu dio da teng, mampir ke rumah mamang, cakmanola bagusnyo nurut kau?"

Maimunah diem bae ..

"Mun ujiku Kak, omongke bae dak katik. Beres ye dak Dek Maimu nah?"

Maimunah ngangguk.

"Bedusola Dek embudike uwong. Apolagi konco dewek ..."