Mang Kerio (61)

Mang Kerio (61)
Oleh Wak Amin




"KALU kucampakke pohon pisang ni, yo kalu keno galo. Kalu cuman keno sikok, matila aku .."

Eeeem ...

Bepikir denget ...

"Sudah. Kalu mak itu kubabitke bae pakek pisangni. Untung-untungan baela," uji Maimunah, la kepeningan cari solusi.

Diembeknyo limo ikok pisang am bon. Besak jugola pisangtu. Mak tegemla.

Huuup ..

Dibabitkenyo sikok-sikok pisang warno ijutu. Entah makmano keno galo-galo. Ado yang mekik, tekejut. Jugo ado yang nya ngko pisang potel karno masak di batang.

Maimunah becepet turun. Waktu tu runtula tejingok Ceking. Becepet dio embangunke empat ikok anak buah nyo.

Sempet tesungkur, Maimunah terus bae belari. Di burinyo la nutul Ce king cs.

"Sekalini langsung kupeliteske bae palaknyo," kato si Pesek, kesel. La abis kesabarannyo.

"Kito poteli sikok-sikok badannya. Dahtu dimakan,' uji Tahi Lalat. Sa mo cak Pesek, la kesel campur ge rem nyingok kelakuan Maimunah.

Doooor ...

Doooor ...

Mang Harun tepakso nembak ke pucuk. Dio mintak Ceking cs be renti belari.

Mulonyo sih dak galak ...

Karno terus dikejer Mang Harun, wa ktu la parak, langsung ngangkat tangan.

Nyerah ...

"Ampun Pak Sherif. Kami nyerah," uji Ceking cs.

Mang Harun turun ...

"Nak kamu apoke betino taditu?" Tanyo Mang Harun sambil eng gertak.

Melintirke kumisnyo tigo kali sam bil niup lubang pistol bekas peluru metu tadi ...

"Idak ngapo-ngapo Pak Sherif. Sum pah kami lum apo-apoke .." Kato Pe sek sambil embungkukke badannyo tando mintak maaf niyan.

"Bo .. ong kamu belimo nak mem perkosa dio kan?

"Memperkosatu apo Pak Sherif. Ka mi dak ngerti?" Tanyo Kuping Lebar sambil ngernyitke dahi.

"Kami taditu kebetulan lewat Pak Sherif. Tejingokla budak betino ta ditu. Kami penasaran. Ngapo ado betino di tempat sepini. Apo dio dak takut. Mulonyo kami nyangko hantu Pak Sherif. Karno dak ilang-ilang yo kami pastike bukan hantu. Manusio pasti. Apolagi setelah ka mi parak'i dio cak ketakutan. Lang sung belari. Karno penasaran, kami kejerla. Mak itu ceritonyo Pak She rif," kato Ceking, la dak takut lagi samo Mang Harun.

Mang Harun merhatike sikok-sikok rai budak limoni.

"Kamu belimoni budak sinila kan?"

"Betul Pak Sherif."

"Kalu mak itu sekarang bubar."

"Terimo kasih Pak Sherif," uji Pe sek, seneng. Saking senengnyo berani-beraninyo meluk Mang Harun.