Mang Kerio(75)

Mang Kerio (75)
Oleh Wak Amin



"MAMA. Balikla. Fitri laper." Dari siang tadi lum makan. Cuman mi num.

Nak ke rumah sebelah dio takut. Memang selamoni dilarang Mang Jon kelayapan.

Abis sekolah, langsung balik. Bela jar yang rajin terus sekolah.

Bagus memang. Tapi laju dak ke nal tetanggo ...

Dak lamotu ado mobil berenti deket rumah Mang Jon. Enjingok betino metu dari mobil, Fitri langsung te gak. Ngelap banyu matonyo.

Belari cepat ...

"Mama Fitri ...!"

Bik Siti tekejut ...

"Fitri anak Mamaaa ..!"

Samo-samo belari ...

Mang Kerio samo Cek Leha cuman tepeguk bae ...

"Mama. Mama kemana? Fitri laper Ma," uji Fitri, dak galak ngelepaske dekepan.

Bik Siti akhirnyo nangis ...

"Ikut Mama ya sayang?"

"Kemana Ma?"

"Kita makan ya sayang."

"Mama ada duit?" Setau Fitri Sang Mama dak ulah nyekel duit lebih. Mang Jon ngenjuk pas-pasan. Cu kup dak cukup makan siang makan malem mesti sedep gulainyo.

Apo dak nak pecah palak Bik Siti mikirkenyo ...

Di tempat lain ..

Duduk besilo ...

"Tulungla Pak Dukun. Aku ngutang dulu. Gek kalu ado duit kubayar," kato Mang Jon.

"Dak pacak mak itu Mang," uji Pak Dukun duwo riyus.

Sambil muter-muterke kumisnyo ya ng tebel item, Pak Dukun akhirnyo galak nulung Mang Jon, walaupun harus ngutang.

"Sekarang apo yang bapak biso bantu untuk kau Nak Jon?"

"Dikit bae Pak Kumis."

"Banyak jugo dak jadi apo. Yang penting awak tau, makin banyak makin besak bayarannyo."

He he he ...

"Kalu itu aku paham Pak. Dak usah bapak ngomong aku la tau. La kapa lan yang cak itutu ..."

Pak Dukun tesinggung ..

Dio tegak sambil ngengkeng ...

"Kau nak nantang aku apo?"

Mang Jon nyubo sabar.

"Idak Pak Dukun. Aku dak ado maksud nak nantang ..."

"La, yang itu tadi apo?"

"Yang mano Pak Dukun?"

"La kapalan yang cak itutu. Itu kan ngampuk namonyo," uji Pak Dukun, besiyap metuke jurusnyo.

Ha ha ha ..

"Dak usah ketawo-ketawo. Kututus gek kepalak kau ..."

"Jangan mak itu Pak Dukun. Akuni datang baik-baik .."

Mang Jon mulak' kepanasan ...