Mang Kerio (69)

Mang Kerio (69)
Oleh Wak Amin




DI bawah pohon asem ...

"Dik Jeni. Makmanola menurut awak kalu ...?"

"Kalu ngapo Kak Jeki?"

"Kito kawin bae. Aku la dak tahan lagi," uji Jeki sambil enjingok ke sekitar pohon asem.

Ado danau ..

Ado sampan samo dayung ..

He he he ...

"Dak tahan lagi apo maksud ka kaktu. Jeni dak ngerti."

"Kalu kito kawin kan kito pacak embuat anak."

Haaa ..?

"Ngapo? Kau dak galak kito kawin dan punyo anak Dek?"

"Bukan dak galak Kak. Galak bae aku kawin samo kakak. Aku galak bae punyo anak dari kakak. Tapi apo Kak Jek ado duwit. Sebab, kalu cuma emas enjuk'an kakak Dak cu kupla. Terus soal anak, menurut aku Kak, lemakla kito enduluke ne gak rumah. Dak lemakla Kak num pang terus samo Tuan Andreas."

Jeki tediem. Nak ngomong apo. Me mang mak itu kenyataannyo. Duwit dak katek, rumah apolagi.

Daripado pusing mikirkenyo dewe kan, Jeki mintak pendapat Jeni. Ka lu bae ado jalan keluarnyo.

"Mun ujiku Kak Jeki yo," kato Jeni sambil nyelik wong tuwo mancing parak dermaga kayu danau tak ber nama, "Kito cari duit dulu banyak-banyak. La tekumpul baru kito ka win. Itu mun ujiku. Terserah kalu kakak punyo pendapat lain."

"Aku nurut bae apo kato kau Dek. Cuman kalu biso jangan lamo igo. Takutnyo gek ado apo-apo."

"Maksud Kak Jeki?"

"Kau diembek uwong."

Ha ha ha ...

"Kakakni lucu. Siapo nak ngembek Jeni selain Kak Jeki seorang?"

"Ah masa?"

Jeni ngangguk ..

"Cinta adek hanya buat kakak seo rang ..."

Duileee ..

Teselek aku endengernyo.