Mang Kerio (84)

Mang Kerio (84)
Oleh Wak Amin




MANG Rahmat endeketi Mang Ke rio ...

"Dak jadi ah Mang," katonyo sambil bebisik, antaro ketawo dengan idak.
Mang Kerio bebisik pulo samo Pak Erte. "Dio dak lemak ati. Jadi dak jadi milih."

Pak Erte lum ngambek keputusan. Dio masih mintak pendapat warga nyo.

Rato-rato wargonyo yang lanang sa ling bebisik bae. Dak berani ngem bek keputusan.

Mang Kerio ngembek inisiatif ma rak'i Cek Leha.

"Dio dak galak Ha."

"Dak galak ngapo Mang?"

"Milih betino yang kito mintak," uji Mang Kerio, ngongkon Cek Leha ng enjuk tau yang lain.

Cek Leha nyanggupi ...

Mulak'i dari yang paling buri. Gadus item manis berambut lurus seleher. "Bagusla Cek. Aku jugo takut. Kalu misalnyo aku jadi bini dio, apo kato wong. Itu cucungnyo yo."

Hik hik hik ...

Cek Leha ketawo setengah ngakak. Dak kedengeran igo karno mulutnyo ditutup pake' tangan waktu ketawo.

Wong pado enjingok ...

Dahtu diem lagi ...

"Kau Cek, cakmano?" Tanyo Cek Le ha dengan betino cantik, idung man cung betai lalet.

"Kalu aku dak setuju Mang Rahmat embatalketu. Padohal aku la siap serubu persen Cek. Terus terang Cek. Akuni jando beranak limo. Aku ni single parent. Kalu kawin kan aku ado rewang. Idak tiduk dewe kan. Nyari duit biso beduwo. Jadi tetolongla cak itu."

Cek Leha tediem.

Wong lain pado eran ...

"Oke Cek?" Tanyo Mang Kerio.

"Oke Mang."

Terus sampe' depan, Cek Leha baru berenti betanyo. Hasil tanyoannyo dio omongke ke Mang Kerio.

Mang Kerio ngomong denget samo Pak Erte. Ngembek kato sepakat. Di omongkela apo adonyo.

"Mang Rahmat, maaf ya Mang. Ter nyato dari asil jajak pendapat kami dapat disimpulke tigo mecem. Pe rtamo, teserah mamang, nak nerus ke apo idak. Yang keduo, setuju ma mang dak jadi milih. Nah, yang ke tigo ado yang nyayangke mamang dak jadi milih. Sebab, di antaro rom bongan betinoni ado yang naksir berat samo mamang ..."

Haaa ...?

Tekejut galo ..

"Siapo betino yang galak samo Ma ng Rahmattu Mang Kerio?" Tanyo rombongan lanang sambil ketawo ngekek.

"Itu resio lur. Dak lemak kalu dio mongke. Bener dak ibuk-ibuk?"

"Beneeer."

Supayo adil, kato Mang Kerio, kito mintak pendapat Mang Rahmat. "Supayo kito tau apo niyan pilihan nyo. Setujuuu?"

"Setujuuu .."

Mang Rahmat mulonyo nolak. Kar no terus dipakso, yo dak pacak dak mesti nak ngomong. Ngutarake isi atini supayo lego.

"Pertamo-tamo akutu ngucapke teri mo kasih karno la dienjuk nyawu r an. Yang keduwo, terimo kasih jugo la perhatian samo aku. Tapi terus terang aku berat nak ngomongke nyo," kato Mang Rahmat, dak lemak ati.

"Ngapo cak itu Mang? Kitoni dulur galo," uji betino, jando mudo dak katik anak.

"Dak lemak ngomongkenyo. Takut gek tesinggung yang diomongke." Mang Rahmat bealesan.

"Omongke baela Mang," kato Pak Erte, " Supayo lego. Ye dak kawan- kawan?"

"Yeeee Pak Erte."

Mang Rahmat ngatur nafas denget ....

"Payula kalu mak itu. Sebelum ku omongke, terus terang aku dak mak so dio galak samo aku. Dio galak alhamdulillah, dio dak galak yo sudah .."

Yang hadir pado tegang ...

"Akutu .. Akutu .. Naksir ..."

Rombongan betino serempak ma rak'i Mang Rahmat yang masih te tegak di depan lawang.

"Akutu .. Akutu ... Sebenernyo nak sir .. ngesir .. samo .. samo .."

Mang Rahmat nyelik Cek Leha. Ya ng diselik jadi salah tingkah.

"Jangan-jangan aku yang dipilih," uji Cek Leha di jeru ati.

"Galak samo Cek .. Cek Lehaaa .."