Mang Kerio (100)

Mang Kerio (100)
Oleh Wak Amin





KARENO ngeladeni tamu lain yang datang ke kantor Mang Kerio, Pak Ramlan diminta Cek Leha nunggu. Tamu la balik baru 'diantar balik.'

Supayo agak santai, Pak Ramlan milih di buri kantor. Selain teduh, banyak angin yang lewat. Dak te denger suwaro mobil apo motor.

"Lemak kalu ngehayal," kato Pak Ramlan. Ado ayunan. Dio deketi. Cubo diduduk'i. Heeem. Lemak jugo.

Begoyang- goyang ...

"Kalu duduk dak nyaman. Engguling bae. Tapi makmano enggerak kenyo."

Pikir denget, akhirnyo tetep milih beayun sambil engguling. Biarla angin yang "enggoyangkenyo.'

Huuup ...

Belum sampe limo belas detik, ma to Pak Ramlan la tepejem. Tiduk. Nyenyak nian.

La nyenyak, mimpi pulo. Pak Ram lan ngeraso lagi main ski di sungi. Banyak yang nonton. Banyak jugo yang main ski.

Maklumla. Petangni ado lomba ski khusus lanang yang la lanjut usia. Pak Ramlan melok. Dio yakin biso enjuwaroi lomba ski ini.

Pak Ramlan dapet giliran yang pa li ng buncit. Parak megrib. Ari bae le nak gelep. Malem ...

Sebagian juri la dak fokus lagi. Ado yang nguap, pengliyatan dak jelas lagi. Seakan-akan jangan dak nun taske gawean bae.

Ruponyo, walau juri samo penonton la telesu, Pak Ramlan tetep sema ngat. Dio nak embuktike bae. Wa lau la tuwo, soal ski banyu, Pak Ramlan lah rajonyo.

Hua ha ha ha ...

Pak Ramlan ketawo ngakak. Karno eran campur penasaran, juri samo penonton serempak noleh ke dio galo.

Byuuur ...

"Siyap Pak Ramlan?" Panitia ngenjuk aba-aba.

"Siyaaap."

Meluncurla speedboat penarik ski. Lambat-lambat Pak Ramlan metu dari jeru banyu.

Plak .. Pak .. Plak .. Pak ..

Penonton betepuk tangan.

Sejak itula Pak Ramlan 'embabi buto.' Muter badannyo. Ngangkat sikil sikok. Terus megang tarikan ski dengan tangan sikok.

Waaaw ...

Cek cek ...

"Super hebat. Baru inila aku nyelik uwong tuwo main ski kaki diangkat sikok, nyekel pegangan ski tangsn sikok pulo," uji bujang berambut ke riting kecoklatan.