Oleh Wak Amin
WAKTU Mang Kerio datang, masuk kantor. Dio dak nyingok Cek Leha. Yang tejingok Pak Ramlan. Lagi tiduk nyenyak di pinggir dinding ruang tamu pas bawah AC.
Heeeergh ...
Heeeergh ...
Ngorok niyan.
"Assalamualaikum," kato Cek Leha. Dak biasonyo dio ngucapke salam pagini.
"Waalaikum salam," jawab Mang Kerio, agak kaget enjingok Cek Le ha pegang rokok sebungkus.
"Beli rokok Ha? Buat siapo?"
Cek Leha cuman senyum. Dio nga jak Mang Kerio duduk denget di te ras. Enceritoke apo yang diala mi nyo tadi.
"Seru ado, lucu ado, nak nangis jugo ado," kato Cek Leha. Dia embeli du wo ikok permen.
Sikok untuk dio, sikoknyo lagi lang sung dikulum Mang Kerio.La lamo dio dak ngulum permen. Lemak nian rasonyo.
Pantes budak betino samo budak betino galak.
Lamo abisnyo ...
"Serunyo dimano, lucunyo dimano, sedihnyo dimano Ha. Mamang jadi penasaran ..."
"Serunyo Mang ye, banyu kopi sege las besak tuntas. Panas-panas dio minum. Bayangkela oleh mamang."
"Lucunyo?"
"Abis ngopi kepengen rokok pulo. Karno kesiyan aku belikela di wa rung rokok. Dak taula aku Mang. Kagek, amun la bangun, nak kepengen apolagi."
"Nak nangisnyo apo Ha?"
"Badan la ceking, idak beselop, be kaos keliyatan kelek pulok pulo. Be cerito kalu dio dak tau jalan balik. Waktu ditanyo alamat rumah di mano, dio cuman enggelengke palak. Dak tau ..."
Eeeem ..
"Terus, dio kesinini nak ngapo. Apo nak mintak antar balik?"
"Kupikir cak itu Mang," uji Cek Leha endugo-dugo bae.
"Lum ngomong apo dio?"
"Lum Mang."
Mang Kerio bepikir denget.
"Apo nak kito bangunke dio seka rang Mang?"
"Dak usah. Biarkela dio tiduk dulu. Gek kalu cak payah bangun, baru kito bangunke .."
"Rokoknyoni Mang?"
"Isepla kalu kau nak nyubo," kato Mang Kerio sambil ketawo, becepet masuk karno kebelet nak ngencing.
Tidak ada komentar:
Posting Komentar