Mang Kerio (102)

Mang Kerio (102)
Oleh Wak Amin

ENDEKETI pengumuman, bukannyo peserta lomba yang tegang urat le her. Tapi penonton.

Macem-macem ekspresi tegang nyo. Ado yang dikongkon duduk dak galak duduk, mondar-mandir, mejemke mato sambil bedoa. Trus bebisik-bisik.

Ini yang lanangnyo. Yang penonton betinonyo lain lagi. Tibo-tibo bebe dak, rebutan kue, sibuk main gaget, bepenesan, ketawo samo ngomo ngi uwong.

"Alangke lamonyoni. Makmano pu lo panitianyoni," uji betino langsing sambil ngeringke rambut pake' hair drayer.

"Awak dak tau ngapo lamo Yul?" Tanyo konco sebelahnyo. Karno dingin ngirup teh wangi anget.

"Ngapo memang?"

"Tiduk tau ..."

Ha ha ha ...

"Bukan tiduk tapi besingit," uji betino lain betaik lalat.

"Ngapo biso besingittu. Takut apo?" Tanyo Yuli, ngirup cuko supayo perut anget.

"Bukan takut, ngeri nyingok kito-kito betinoni."

"Ngapo biso cak itutu Cek. Apo kito ni enggigit. Kan idak."

"Idak enggigit idak."

"Jadi apo?"

"Ngeri nyingok kitoni dak pake' beha galo ..."

Ha ha ha ha ...

Baru lemak penesan samo ketawo, naikla uwong gemuk palak botak ke pucuk panggung.

"Apo kabar saudara-saudara?"

"Baiiik Genduuut .."

"Alhamdulillah sehat botaaak."

He he he he ...

Ngeraso diolahke, si gendut emba lesnyo dengan ..

"Biar gendut biar botak, tapi seksi lu Om ini."

Ha ha ha ..

"Jangan ke ge eran Om. Kato siapo Omtu seksi. Bekaco Om. Kalu me nurut aku niye," kato Yuli," bukan seksi tapi banciii ..."

Tibo-tibo hening ...

Om gendut metuke banyu mato.

Yuli ngeraso nyesel ..  Tapi nak dia poke. La teomong.

"Emak Omni ngandung Om sampe sembilan bulan. Netek'i Om, embe sak'i Om sampe Om jadi uwong be guno, lum pernah manggil Om ban ci. Tapi kamu yang betino-betino hadir disini, yang idak ngandungi Om, idan embesak'i Om, idak ne tek'i Om, tega-teganyo ngecap Om cak itu ..."

Hek hee .. Hek he ...

Kelang beberapo detik, rombongan penonton betino serempak naik pu cuk panggung.

Ngapo?