Mang Kerio (104)

Mang Kerio (104)
Oleh Wak Amin



16. Episode : 'Dak Ngenjuk Duit Gaji'

MANG Kerio narik nafas panjang. Dio bangun dari tempat duduknyo. Marak'i jendelo. Dio geser hordeng dikit. Agak terang. Ado sinar ma tohari yang masuk.

Dio baru balik ke tempat duduknyo waktu Cek Leha noktok dan masuk ke ruang kerjonyo ..

Seperti biaso, Cek Leha ngenjukke beberapo map kertas, diterimo Ma ng Kerio ...

Dio buka' sikok-sikok map iju yang isinyo beberapo lembar kertas putih bematerai yang nak  ditando tanga ni.

Dibaco denget. Dahtu .. sreet .. sree et. Dengan santainyo surat-surat penting itu ditanda tangani  Mang Kerio.

"Masih ado lagi Ha?"

"Masih Mang. Tapi tanda tangan nyo besok bae," uji Cek Leha, nge mbek lagi map anyar itu, besiyap nak dibawak ke ruang penyimpa nan arsip dan dokumen.

"Leha nak baco lagi poin to poin," kato Cek Leha. Endenger jawaban barusan, Mang Kerio seneng.

"Mamang salut samo kau Ha," puji Mang Kerio.

Ngeraso dipuji, Cek Leha senyum- senyum bae.

Kriiiiing ...

Telepon bedering. Kenceng niyan suwaronyo.

"Awak bae Ha ngangkatnyo."

"Baik Mang. Bismillah  ...."

Ternyato dari betino. Nangis-nangis nak ketemu Mang Kerio. Cek Leha cubo nekelnyo, karena samo-samo betino, si betino tetep dak galak.

"Mang .." Cek Leha ngenjuk isyarat si penelepon nak ngomong samo Mang Kerio.

Mang Kerio nak ketawo tapi dak ja di. "Ado-ado bae pagi ini," katonyo di jeru ati