Mang Kerio (109)

Mang Kerio (109)
Oleh Wak Amin


DI Pinggir jalan ..

"Ai mano dio mamangni. Uwong le nak balik dio lum datang-datang ju go."

Cek Leha kesel karno Mang Kerio lum datang. Padohal rombongan Pak Jamil sudah metu dari warung minuman.

Sambil ketawo ngakak, rambut keri ting bepenesan. Katonyo, kalu cak ini seminggu sekali bae, seger ba dan kitoni.

Nyahutla telingo libar. "Siapo yang nak embandarinyo. Terus terang amun aku dak katik fulus oi iyo."

"Tenang bae Bro," kato perut besak," serahke bae samo Bos kito. Ye dak ye dak ..."

Ngecik'i balak, Pak Jamil langsung ngiyoke.

"Sudah aku nak balik," ujinyo. Dija wab cs nyo .. "Siap Bos."

Pas Pak Jamil ngengkol motor, terus pegi disusul cs nyo, barula Mang Kerio metu.

"Mamang kemano bae sih. Uwong la pegi galo baru metu," kato Cek Le ha. Kesel campur marah. Tapi tet ep bae dio sayang samo Mang Ke rio.

Selain baek, sudah dianggap bapak dewek ...

Sssssst ..

Mang Kerio ngajak Cek Leha ma suk jeru mobil yang diparkir di balik pohon kelapo samo manggo.

"Motor Leha Mang. Gek ilang."

"Idak. Cayola sama mamang," kato Mang Kerio sambil nunjukke foto-foto di hape.

Haaaa ...!

"Jadi ..."

"Mangkonyo melok mamang seka rang ...

Cek Leha masih eran makmano Ma ng Kerio biso masuk ke warung mi numantu sambil moto pulo.

"Itu resio Ha."

"Ngapo cak itu Mang. Apo dak cayo samo Leha?"

"Bukan dak cayo. Takutnyo kalu ku omongke caronyo, gek kau niru pu lo ..."

"Ai mamang, cak itu niyan samo Leha. Dakken adola Leha nirunyo Mang. Karno yang biaso cak itutu kan mamang dewek."

"Yo sudahla. Gek lain waktu mama ng ceritoke. Sekarang kito fokus du lu ke foto-fotoni ..."

Karno aus, Mang Kerio minum du ken. Sebotol banyu putih dingin abus diminumnyo.

Cek Leha mak itu jugo. Tapi bukan banyu putih dingin. Tapi minuman sachet yang dio beli di warung wak tu nunggu Mang Kerio tadi.

"Foto-fotoni Ha, gektu kito tunjukke ke Bu Asih."

"Regonyo berapo sikok Mang?"

Ha ha ha ...

"Leha .. Leha. Terangla gratis."

"Iyola Mang. Lehatu penesan bae. Dak us ah pulo diembek ati."