Mang Kerio (116)

Mang Kerio (116)
Oleh Wak Amin





"AI dak galak aku Mang," uji Pak Marwan.

"Ngapo dak galaktu? Kalu Pak Marwan  melok kan mudah-mudahan gan cang selesai pekaronyo."

Pak Marwan tediem.

"Tarokla kami beduwo bae nemui bini kautu. Ngomong cak ini cak ten tang Pak Marwan. Aku yakin bini ba pak dak cayo. Tapi kalu bapak me lok kan paling idak kito biso tau duduk masalahnyo. Siapo yang salah siapo yang benar."

Lum jugo ngenjuk jawaban ...

"Lajula Pak. Aku yakinla sejahat-ja hat bini dak sampe ati nak embu nuh lakinyo. Ye dak Mang?"

"Bener kato Cek Leha tu Pak Mar wan," kato Mang Kerio. "Bapak dak usah kuatirla. Pokoknyo melok ka mi bae. Kalu tejadi apo-apo kito selesaike baik-baik."

Lum jugo ngenjuk jawaban ...

"Makmano Pak Marwan?" Cek Leha la mulak'i kesel caknyo. Awak lana ng tapi kelakuan cak betino.

"Akutu galak bae Mang, Buk Leha." Endenger jawaban Pak Marwan, Cek Leha seneng nian. Tapi sede nget. Karno waktu Pak Marwan ngo mong .... "Tapi .." balik kesel lagi.

"Tapi ngapo Pak Marwan?"

Pak Marwan dakdo enjawab. Di jeru atinyo cuman pingin nak balik bae ke rumah. Dak lemak diusirtu, apo lagi oleh bini.

"Sudah kalu mak itu Pak Marwan melok kami bae ...

Sudah diputuske melok, melokla Pak Marwan pake' mobil Mang Kerio.

Cek Leha melok ...

Sementaro bini Pak Marwan, Mar yam masih bebersih-bersih di te ras. La lamo dio dak mak ini.

Waktu Mang Kerio datang, dio dak pulo peduli karno memang dak ke nal dan dak tau.

Tapi dio tetep besikap ramah karno tamu. Setiap tamu yang datang yo disambut. Apolagi kedatangan Ma ng Kerio samo Cek Leha baik-baik. Sedangke Pak Marwan, karno ma sih takut, besingit di jeru mobil.