Mang Kerio (117)

Mang Kerio (117)
Oleh Wak Amin





KARNO terus diliyati anjing gemuk dari balik kaco dan seolah nak eng gigit, Pak Marwan dak tahan jugo besingit lamo-lamo di jeru mobil.

Dio kepengen nak metu. Tapi takut digigit anjing. Apolagi anjingnyo be sak nian. Ampir samo besak de ngan Pak Marwan.

Untung bae ado lanang ceking ma rak'i si anjing. Diusap-usapnyo bulu nyo. Dahtu, samo anjong, lanang ca kep taditu pegi masuk lurung. Ila ng entah kemano.

"Alhamdulillah," kato Pak Marwan. Lego rasonyo.

Mumpung dak ado anjing lain yang datang, Pak Marwan metu dari mo bil Mang Kerio. La metu bingung pulo nak kemano.

Sepi. Uwong sikok yang bejalan, no ngkrong atau nunggu opelet, pun dak katik.

"Daripado aku dicurigai wong nak maling, lemakla aku ke rumah bae," kato Pak Marwan.

"Tapi gek ribut lagi dengan biniku. Cakmanolaye. Serbo salah. Diem disini dak aman, ke rumah jugo nambah dak aman."

Kriiiiing ...

Telepon gengam bebunyi ..

"Halo .."

"Pak Marwan dimano sekarang?"

"Di seberang jalan deket tong sam pah Mang Kerio."

"Kumintak Pak Marwan cepet ke sini. Kutunggu di teras."

"Tapi Mang .."

"Dak apo-apo ... Cepetla. Mumpung bini bapak dak tau. Dio lagi ngomo ng samo Cek Leha."

"Oke Mang. Aku kesano sekarang."

Sementaro di jeru rumah, Maryam becerito kalu dulu, awal-awal kawin dulu, rumah tanggonyo aman-aman bae.

"Dak ulah ribut. Akurla pokoknyo Nak Leha," kato Maryam. Dio dak abis pikir ngapo perilaku lakinyo berubah setelah Sulaiman la agak besak.

"Sabar yo Buk. Kalu kito sabar ado tula jalan metunyo," uji Cek Leha, cak keiyoan niyan.